ငှက်ပျောသီးကင် အချိုပွဲ

အားလုံးပဲ မင်္ဂလာပါ။ ရိုးရာအချိုပွဲ ကြိုက်နှစ်သက်သူများအတွက် ဒီတစ်ခါမှာတော့ ထိုင်းစတိုင်လ် ငှက်ပျောသီးကင် အချိုပွဲ ပြင်ဆင်ပြုလုပ်နည်းလေးကို ဝေမျှပေးချင်ပါတယ်။

ပါဝင်ပစ္စည်းများ

- ငှက်ပျောသီး ၃ လုံး

- အုန်းနို့ခရင်မ် စားပွဲတင်ဇွန်း ၆ ဇွန်း

- သကြား ၅၀ ဂရမ်

- ဆား လက်ဖက်ရည်ဇွန်း ၄ ပုံ ၁ ပုံ

ပြုလုပ်နည်း အဆင့်ဆင့်

၁။ ငှက်ပျောသီးများကို ဒေါင့်ဖြတ်မျဉ်းအလိုက် ခပ်စောင်းစောင်းလေး လှီးဖြတ်ထားပါ။

ထို့နောက် ငှက်ပျောသီးများကို တစ်ခြမ်း ၁၀ မိနစ်ခန့် ကင်ပေးလိုက်ပါ။ ငှက်ပျောသီးများက တောင့်တောင့်တင်းတင်းလေး ဖြစ်သွားပြီဆိုရင်တော့ မီးဖိုပေါ်က ချလိုက်လို့ရပါပြီ။

၂။ ဒယ်အိုးတစ်လုံးကို အပူပေးပြီး အုန်းနို့ခရင်မ်ထည့်ပါ။ သကြား၊ ဆားတို့ထည့်ကာ သကြားများ ပျော်ဝင်သွားသည်အထိ မီးအေးအေးဖြင့် မွှေပေးရပါမယ်။

၃။ နောက်တစ်ဆင့်အနေနဲပ ငှက်ပျောသီးများကို ပန်းကန်ပြားတစ်ချပ်တွင် လှလှပပ အလှဆင်ထားပါ။ စောစောက အုန်းနို့သကြားရည်များကို အပေါ်ကနေ ဆမ်းထည့်လိုက်ပါ။

ဒါဆိုရင်တော့ အရသာရှိတဲ့ ထိုင်းစတိုင်လ် ငှက်ပျောသီးကင် အချိုပွဲလေး ရရှိသွားပါပြီ။

MyFood Myanmar Websiteမှ ပြန်လည်ကူးယူဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ