ရန်ကုန် ဘုရင့်နောင်ဈေးကွက်မှာတော့ မတ်ပဲဈေးတွေ အတက်ဘက်ပြန်ရောက်လာပြီး ၄ ရက်အတွင်း တစ်တန်ကို ကျပ် ၄၀၀၀၀ ကျော်ဈေးမြင့်တက်လာခဲ့ပါတယ်။
ယခုတစ်ပတ် ဈေးကွက်အဖွင့်နေ့ဖြစ်တဲ့ မေ ၃၀ ရက်တုန်းက တစ်တန်ကို ကျပ် ၁၄၄၇၀၀၀ သာ ပေါက်ဈေးရှိခဲ့တဲ့ မတ်ပဲ (အက်ဖ်အေကျူ၊ အာစီ (၂၀၂၂) ဈေးဟာ ဒီနေ့ ဇွန် ၂ ရက်မှာတော့ တစ်တန် ၁၄၉၁၀၀၀ ကျပ်ထိ ဖြစ်သွားပြီး လေးရက်အတွင်း ကျပ် ၄၄၀၀၀ ထိ မြင့်တက်သွားတာပါ။
မေ ၃၀ ရက်တုန်းက တစ်တန်ကို ကျပ် ၁၆၃၇၀၀၀ သာ ပေါက်ဈေးရှိခဲ့တဲ့ မတ်ပဲ (အက်စ်ကျူအာစီ - ၂၀၂၁) ဈေးဟာလည်း လေးရက်အတွင်း ကျပ် ၄၄၀၀၀ မြင့်လာပြီး ဇွန် ၂ ရက်မှာ တစ်တန် ကျပ် ၁၆၈၁၀၀၀ ဖြစ်သွားတာပါ။
ဘုရင့်နောင်ဈေးကွက်မှာ ပဲစင်းငုံနီလည်း ဈေးမြင့်လာပါတယ်။ မေ ၃၀ ရက်က ပဲစင်းငုံနီ(အာစီ -၂၀၂၁) ဈေးက တစ်တန်ကို ၁၃၅၆၃၀၀ ကျပ်သာရှိခဲ့ရာကနေ ဇွန် ၂ ရက်မှာတော့ တစ်တန်ကို ၁၃၇၀၀ ကျပ် ဈေးတက်သွားလို့ ၁၃၇၀၀၀၀ ဖြစ်သွားတာပါ။
အလားတူ မန္တလေးဈေးကွက်မှာလည်း မတ်ပဲ(သစ်) ဈေး တက်လာပြီး မေ ၃၀ ရက်က တစ်အိတ် (ပိဿာ ၆၀) ကို ကျပ် ၁၃၈၀၀၀ - ၁၄၁၀၀၀ ကြားသာရှိခဲ့ရာကနေ ဇွန် ၂ ရက်မှာတော့ ကျပ် ၁၄၃၀၀၀ - ၁၄၄၀၀၀ ဖြစ်သွားပါတယ်။
ကုလားပဲဈေးတွေကတော့ ဆက်တိုက် အကျပိုင်းမှာရှိနေပြီး အမျိုးအစားအလိုက် တစ်အိတ် (ပိဿာ ၆၀) ကို ကျပ် ၂၀၀၀ ကနေ ၅၀၀၀ ကြား ဈေးကျသွားတာတွေ့ရပါတယ်။
ငွေကြေးဈေးအပြောင်းအလဲနဲ့ လကုန်ပိုင်း ဖြစ်တဲ့အတွက်ကြောင့် အရောင်းအဝယ်အနည်းငယ်သွက်နေလို့ မတ်ပဲဈေးတွေဟာ ပြီးခဲ့တဲ့အပတ်ကတည်းက အတက်ဘက်အနည်းငယ်ရှိနေရာကနေ ဒီတစ်ပတ်မှာတော့ သိသိသာသာ တက်လာတာပါ။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
CPP Fertilizer Company ကြော်ငြာ
![ဟာမိုဇင်းပလပ်(စ်)](https://greenway.sgp1.digitaloceanspaces.com/feed_ad_images/harmozi.png)
ဟာမိုဇင်းပလပ်(စ်)
![ဟော့(ပ်)ရိုး(လ်)](https://greenway.sgp1.digitaloceanspaces.com/feed_ad_images/c24b27292c171359a881fd977ba2a695.png)
ဟော့(ပ်)ရိုး(လ်)
![ကောင်စယ်](https://greenway.sgp1.digitaloceanspaces.com/feed_ad_images/26d560d3cc76937cd215b15b5acd894e.png)
ကောင်စယ်
![အီမီဒါနေး(လ်)](https://greenway.sgp1.digitaloceanspaces.com/feed_ad_images/dc7eee13ce9a6bf59a7bea4267dd0f6d.png)
အီမီဒါနေး(လ်)
![ပေါ်စီလန်](https://greenway.sgp1.digitaloceanspaces.com/feed_ad_images/e888308de1fb615d0d1af9cad463c184.png)
ပေါ်စီလန်