ရန်ကုန်ဈေးကွက် မတ်ပဲနှင့် ပဲစင်းငုံဈေးများ တစ်တန် ကျပ် ၅၀၀၀၀ မှ ၆၀၀၀၀ ကျော်ထိခုန်တက်

ရန်ကုန်ဘုရင့်နောင်ဈေးကွက် မတ်ပဲ ဒီတစ်ပတ်အဖွင့်ဈေးဟာ ပြီးခဲ့တဲ့အပတ် အပိတ်ဈေးနဲ့ ယှဉ်ရင် တစ်တန် ကျပ် ၅၀၀၀၀၊ ၆၀၀၀၀ ထိ ဈေးတွေတက်လာတာဖြစ်ပါတယ်။ အကျဘက်ရောက်နေတဲ့ ပဲစင်းငုံနီကလည်း တစ်တန် ကျပ် ၆၀၀၀၀ ကျော်ထိ ပြန်ခုန်တက်လာတာပါ။

ပြီးခဲ့တဲ့အပတ် သောကြာ (ဇွန် ၂၄ ရက်) တုန်းက တစ်တန်ကို ကျပ် ၁၆၀၇၅၀၀ ပေါက်ဈေးရှိခဲ့တဲ့ မတ်ပဲ(FAQ/RC - ၂၀၂၂)ဟာ ဒီတစ်ပတ်အဖွင့်ဈေး (ဇွန် ၂၇ ရက်) မှာတော့ တစ်တန်ကို ကျပ် ၁၆၇၅၀၀၀ ထိ ဖြစ်လာတာပါ။ တစ်တင်းဈေးနှုန်းဆိုရင်တော့ ၅၃၂၉၅ ကျပ် ရှိနေတာဖြစ်ပါတယ်။

ပြီးခဲ့တဲ့အပတ် သောကြာ (ဇွန် ၂၄ ရက်) တုန်းက တစ်တန်ကို ကျပ် ၁၇၉၇၅၀၀ ပေါက်ဈေးရှိခဲ့တဲ့ မတ်ပဲ(SQ/RC -၂၀၂၁)က အတက်ပိုကြမ်းခဲ့ပြီး ဒီနေ့မှာ တစ်တန်ကို ကျပ် ၆၀၀၀၀ ထိ ဈေးတက်လာပါတယ်။ တစ်တင်းဈေးနှုန်းဆိုရင်တော့ ၅၉၇၂၆ ကျပ် ရှိနေတာဖြစ်ပါတယ်။

အိန္ဒိယ ပဲလိုအပ်ချက်တွေ ရှိနေတဲ့အတွက် ပြည်တွင်း ပဲကုန်သည်တွေအနေနဲ့ ဝယ်ယူသိုလှောင်မှုတွေ ရှိနေပြီး ဈေးတွေတက်လာတာ ဖြစ်တယ်လို့တော့ AMIA က ဖော်ပြထားပါတယ်။

ပြီးခဲ့တဲ့အပတ်က ဈေးဆက်တိုက်ကျခဲ့ပြီး သောကြာ (ဇွန် ၂၄ ရက်) တုန်းက တစ်တန်ကို ကျပ် ၁၃၈၀၀၀၀ ထိ ရောက်သွားခဲ့တဲ့ ပဲစင်းငုံနီ (RC -၂၀၂၁)ကလည်း တစ်တန်ကို ၆၄၀၀၀ ကျပ် ဈေးတက်လာပြီး ၁၄၄၄၀၀၀ ထိ ပြန်ရောက်လာပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို အခြေခံ ဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ