ကြက်တွေ ဇာတ်တူသားမစားဖို့ ဘယ်လိုကာကွယ်မလဲ..

ကြက်တွေအချင်းချင်း အမွေးအတောင်ဆိတ်တာ၊ သွေးထွက်သံယိုဖြစ်နေတဲ့ ကြက်တွေကို တခြားကြက်တွေက ဆိတ်စားတာ၊ ဖင်ဆိတ်ကြတာတွေကို ကြက်မွေးမြူသူတိုင်း တွေ့ဖူးကြမယ်ထင်ပါတယ်..။

ဒါတွေက ကြက်တွေရဲ့ ပြုပြင်ဖို့ခက်တဲ့ အမူအကျင့်တွေပဲ ဖြစ်ပါတယ်..။ အဲ့ဒီလိုတွေလုပ်ရင် အသေအပျောက် အနည်းနဲ့အများရှိနိုင်သလို စုတ်ပြတ်ဒဏ်ရာတွေကြောင့် ဉနှုန်း၊ ကြီးထွားနှုန်းကို ထိခိုက်နိုင်တဲ့အတွက် ဒီလိုတွေမဖြစ်ရအောင် ဇာတ်တူသားမစားစေဖို့ ကာကွယ်ခြင်းနဲ့ ဖြစ်စေတဲ့ အကြောင်းအရာတွေကို ကြက်မွေး တောင်သူတွေ သိရှိစေဖို့ ရည်ရွယ်ဖော်ပြပေးလိုက်ပါတယ်..။

ဖြစ်စေတဲ့အကြောင်းအရင်းတွေကတော့..

(၁) အဆောက်အဉီထဲသို့ နေရောင်တိုက်ရိုက်ဝင်ခြင်း

(၂) သဘာဝမဟုတ်တဲ့ အလင်းများလွန်းခြင်း

(၃) အကောင်ရေ ထူထပ်လွန်းခြင်း

(၄) လေဝင်လေထွက် မကောင်းခြင်း

(၅) အာဟာရပြည့်ဝစွာ မစားရခြင်း

(၆) ဆားမပါခြင်း

(၇) အပူချိန်မြင့်မားခြင်းကြောင့် စိတ်ဖိစီးမှုခံရခြင်း

(၈) အစာထဲတွင်အမျှင်ဓာတ်မပါဝင်ခြင်း

(၉) မျိုရိုးဗီဇနဲ့အလေ့အကျင့် စတဲ့အချက်များစွာတွေကြောင့်ဖြစ်ပါတယ်..။

အဲ့ဒါမျိုးတွေ ကြက်မွေးတောင်သူရဲ့ ခြံထဲမှာ ဖြစ်နေခဲ့မယ်ဆိုရင် ဇာတ်တူသားစားခြင်းမျိုးတွေ ဖြစ်လာနိုင် ပါတယ်။ ဒါ့အပြင် တစ်ကောင်ရဲ့ အကျင့်ကို တစ်ကောင်က  အတူယူနိုင်တဲ့အတွက် သတိထားစောင့်ကြည့်နေဖို့ ကလည်း အရေးကြီးပါတယ်..။ ဒါပေမဲ့ အရမ်းကြီးတော့စိတ်မပူကြပါနဲ့။ ဖြစ်စေတဲ့အကြာင်းအရင်းကို သိရင် ကာကွယ်နည်းလမ်းဆိုတာလည်းရှိပါတယ်။ ကုသခြင်းသည် ကာကွယ်ခြင်းထက် ပိုမိုကောင်းကောင်းမွန်တယ် မဟုတ်လား..။

ဆိုတော့ ကာကွယ်နိုင်တဲ့ နည်းလမ်းတွေကတော့..

(၁) ဒဏ်ရာရတဲ့ ကြက်ကို သီးခြားခွဲထားရန်

(၂) နေရောင်တိုက်ရိုက်မကျအောင်ပိတ်ထားပြီး အလင်းပေးမှုထိန်းချုပ်ရန်

(၃) သင့်တော်တဲ့ အပူချိန်ထားရှိရန်

(၄) ကြက်ကောင်ရေသိပ်သည်းမှုထိန်းချုပ်ရန်

(၅) အရည်အသွေးကောင်းသော အစာစိမ်းများထောက်ပံ့ရန် စတဲ့ အချက်တွေပဲ ဖြစ်ပါတယ်..။

ကဲ.. ဒီတော့ ကြက်တွေအချင်းချင်း ဇာတ်တူသားမစားအောင် ကာကွယ်ဖို့ ဆောင်သင့်တာတွေဆောင်၊ ရှောင်သင့်တာတွေ ရှောင်ပြီး ဉပေါက်နှုန်း ၊အသားတိုးနှုန်းများ ပိုတိုးအောင်မွေးမြူနိုင်ကြပါစို့..။

Reference;  စိုက်ပျိုးပညာပေးရေးနှင့် ကျေးလက်‌ဒေသဖွံ့ဖြိုးရေးသင်တန်းကျောင်းမှ ထုတ်ဝေသော ခေတ်မီ မွေးမြူရေးနည်းပညာများစာအုပ်မှ ကောက်နုတ်ဖော်ပြပါသည်။

 ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။