နွားမွေးမြူရေးအတွက် ဒစ်မန်းသပ်စ် (Desmanthus) စားကျက်ပင်

(1) Desmanthuspernambucanus

အပင်၏အမြင့်သည် (၃-၄) ပေ အထိရှိသည်။ ရိတ်သိမ်း သယ်ယူ ကျွေးမွေး နိုင်သည်။ လွှတ်ကျောင်းစားကျက်တွင်အတန်သင့်အသုံးပြုနိုင်သည်။ ဘော စကိုင်း ဖြစ်ထွန်းမှုနည်းသော ဒေသများအတွက် ရည်ရွယ်စိုက်ပျိုးရန်နှင့် သိုး/ဆိတ် လွှတ်ကျောင်းစားကျက်များအတွက် အလွန်ကောင်းမွန်သည်။
အာဟာရပြည့်ဝစွာပါဝင်ပြီး နေရာအနံ့ ပေါက်ရောက် ရှင်သန်နိုင်သည်။ မြေ၏ ချဉ်ဖန် ဓါတ် (၅-၈) တွင်ရှင်သန်နိုင်သော်လည်း မြေ၏ ချဉ်ဖန်ဓါတ် (၇) တွင် ပိုမို ဖြစ်ထွန်းနိုင်သည်။ မြေအရည်သွေးညံ့သော၊ သဲ/ဆား ဆန်သော ဒေသများ၌ ဖြစ်ထွန်းနိုင်သည်။
အတန်အသင့် အရိပ်အောက်တွင် ရှင်သန်နိုင်သော်လည်း အရိပ်ကောင်း အောက်တွင် ဖြစ်ထွန်းမှု နည်းသည်။
စိုက်ပျိုးရာတွင် အစေ့စိုက်ခြင်း၊ ပျိုးပင်စိုက်ခြင်းများတွင် တစ်တန်းနှင့်တစ် တန်း (၃-၄) ပေ ခြား၍ စိုက်ပျိုးနိုင်သည်။ စားကျက်မြက်များနှင့် ရောနှော စိုက်ပျိုးနိုင်ပြီး မျိုးစေ့ကျ ပြန့်ပွားနှုန်းကောင်းမွန်ကာ နှစ်ရှည်ပင်ဖြစ်သည်။
စိုက်ပျိုးပြီး (၃-၄) ပတ်လျှင် တစ်ကြိမ် ရိတ်ကျွေးနိုင်သည်။ တစ်ဧကထွက် နှုန်း ပျမ်းမျှ (၄-၈) တန် နှင့် အမြင့်ဆုံး (၁၅) တန် (အခြောက်ပမာဏ) အထိ ထွက်ရှိပါသည်။
မျိုးစေ့ထုတ် လုပ်နိုင်မှုမှာ တစ်ဧက (၁၃၃-၂၀၀) ကီလိုဂရမ် ထွက်ရှိနိုင် သည်။ ပဲမျိုးနွယ် စားကျက်ပင်များသည် မျိုးစေ့ထုတ်ပြီး စားကျက်ဖွံ့ဖြိုး ရေးလုပ်ငန်းများကို စတင်ကောင်အထည် ဖော် ဆောင်ရန်လိုအပ်ပါသည်။
အာဟာရပါဝင်မှုမှာ အောက်ပါအတိုင်းဖြစ်ပါသည်။

(2) Desmanthusleptophyllus

မြေ၏ချဉ်ဖန်ဓာတ်(၇)တွင်ပိုမိုဖြစ်ထွန်းနိုင်သည်။ လယ်မြေများတွင်ပိုမိုဖြစ် ထွန်းနိုင်သည်။ ဘောစကိုင်းအပင်ပေါက်ငယ်နှင့်တူသည်။
ရာသီဥတုခြောက်သွေ့မှုနှင့် အရိပ်ရအပင်များအောက်စိုက်ပျိုးနိုင်သည်။
ရိတ်သိမ်းသယ်ယူခြင်းနှင့် လွှတ်ကျောင်းမွေးမြူခြင်းပြုလုပ်နိုင်သည်။
ထိုသို့ပြုလုပ်ရာတွင်မြက်ပင်များနှင့် ရောနှောစိုက်ပျိုးရန်သင့်တော်သည်။ စိုက်ပျိုးပြီ အပင်ကြီးထွားနှုန်းမှာ (၁၂) လက်မ အမြင့်ရှိပြီး (၃-၄) ပတ် တစ်ကြိမ် ရိတ်သိမ်း ခြင်း၊ လွှတ်ကျောင်းခြင်းပြုလုပ်နိုင်သည်။
မျိုးစေ့ထွက်နှုန်း ကောင်းမွန်သည်။ မျိုးစေ့ထုတ်လုပ်မှု တစ်ဧကလျှင် (၁၂၀၀- ၂၀၀၀) ကီလိုဂရမ် ထွက်နိုင်သည်။

Source - မြန်မာ-နယူးဇီလန် ကောင်းမွန်သော နို့စားနွား မွေးမြူရေး ဖွံ့ဖြိုးတိုးတက်မှု စီမံကိန်း

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ