စတင်စိုက်ပျိုးသည့်နှစ်တွင် ဒေသဝဥမျိုး စိုက်ပျိုး၍ အတွေ့အကြုံယူသင့်

စတင်စိုက်ပျိုးသည့် ပထမနှစ်တွင် ဒေသထွက်ဝဥမျိုးအား စိုက်ပျိုး၍ အတွေ့အကြုံရယူသင့်ကြောင်း ဝဥစိုက်ပျိုးသူများထံမှ သိရသည်။

အကယ်၍ မိမိဒေသထွက်ဝဥမျိုးကို အလွယ်တကူ မရှိပါက မိမိဒေသနှင့်ကိုက်ညီနိုင်မည့့် ဝဥမျိုးကို ရွေးချယ်စိုက်ပျိုးနိုင်သည်။

မိမိဒေသထွက် ဝဥမျိုးက စျေးကွက်ဝင် ဝဥမျိုးဖြစ်တယ်ဆိုရင်တော့ စိုက်ပျိုးရန် အကောင်းဆုံးပါ။ ဝဥမျိုး စျေးနှုန်းလည်း သက်သာဖို့ လိုပါတယ်။ စျေးကြီးတဲ့ ဝဥမျိုး တစ်ဧက စိုက်မယ့်အစား ဒေသ ဝဥမျိုး ၅ ဧက စိုက်လို့ရပါတယ်။ စိုက်ပျိုးနိုင်တဲ့ အပင်အရေအတွက်နဲ့ စိုက်ပျိုးဧကများများစိုက်ခြင်းဟာ စိုက်ပျိုးစီးပွား ဖြစ်ထွန်းမှု အကောင်းဆုံးပါခင်ဗျာ။

ဟု ရန်ကုန်တိုင်းဒေသကြီးမှ ဝဥစီးပွားဖြစ် စိုက်ပျိုးနေသူ ဦးမောင်တိုးက ပြောသည်။

စျေးကွက်ဝင် ဝဥမျိုးမှန်သမျှသည် စျေးကွက်အမြဲမပြတ်ရှိသဖြင့်၊ ဝဥစိုက်ပျိုးထုတ်လုပ်တင်ပို့ခြင်းသည် အရောင်းအဝယ်မပြတ်သော်လည်း၊ ယခုကာလများတွင်မူ လမ်းပန်းဆက်သွယ်ရေး အခက်အခဲ အနည်းငယ်ရှိကြောင်း သိရသည်။

ဒီနှစ်ကတော့ အရမ်းကြီးစျေးကောင်းဖို့ မျှော်လင့်လို့ မရပါဘူး ခင်ဗျာ။ မျိုးဥစျေးကတော့ အတက်အကျမရှိ ပုံမှန်စျေးပါဘဲ။ မျိုးဥ/ရွက်သီးက ဝယ်သူနည်းတယ်။ လူတွေလည်း ငွေအများကြီး မသုံးနိုင်ကြပါဘူး။ ပုံမှန်ဆို ဝဥက လတိုင်းမှာ အရောင်းအဝယ် ရှိပါတယ်။ အသွားအလာခက်ခဲလို့ အရောင်းအဝယ် သိပ်မရှိသေးတာပါ။

ဟု ဦးမောင်တိုးက ဆက်လက်ပြောသည်။

နှစ်စဉ် မေလ နောက်ဆုံးအပတ်မှ ဇွန်လအကုန်အထိ ကာလများသည် ဝဥမျိုးဥအား မြေချစိုက်ပျိုးရန် အကောင်းဆုံးကာလများ ဖြစ်ကြောင်း သိရသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ