ဆောင်းကာလ မရောက်မီ ကညွှတ်ဈေးတက်လာရန် တောင်သူများမျှော်လင့်

ဆောင်းကာလ မရောက်မီ ကညွှတ် ဈေးတက်လာမည့်အနေအထားကို တောင်သူများ ယုံကြည်မျှော်လင့်ထားကြောင်း သိရသည်။

ပြင်ဦးလွင်မှာလည်း ဧည့်သည်တွေလည်းလာ အလုပ်အကိုင်တွေလည်း လည်ပတ်နေ ပါပြီ။ ဆောင်းမဝင်ခင် ကညွတ်ဈေး တက်လာမယ်လို့ တောင်သူတွေက မျှော်လင့်ထားကြ ပါတယ်။

ဟု မန္တလေးတိုင်း၊ ပြင်ဦးလွင်မှ ကညွတ်စိုက်တောင်သူ မခင်မျိုးသန့်က ပြောသည်။

လက်ရှိ ကညွတ် ဈေးနှုန်းများမှာ အရည်အသွေးပေါ် မူတည်၍ ကညွတ် တစ်ပိဿာကို ၂၀၀၀ ကျပ်မှ ၅၀၀၀ ကျပ် အတွင်း ပေါက်ဈေးရှိနေသည်။

ကညွတ်က ဈေးကွက် မပျက်ပါဘူး။ အရင်ရက်ကတော့ ဝူဟန်ကြောင့် နည်းနည်း ထိခိုက်တာပေါ့။ တကယ် လှိုင်လှိုင်ပေါ်ပြီး ရောင်းကောင်းမယ့်ရက်မှာ ဧည့်သည်တွေ မလာတော့ ရောင်းအားကျပြီး ပွဲစားက နည်းနည်း ဈေးချတာကို ခံခဲ့ရပါတယ်။ အခုတော့ ဈေးက တတ်တော့မှာပါ။

ဟု မခင်မျိုးသန့်က ဆက်လက်ပြောသည်။

မြန်မာနိုင်ငံတွင် ကညွတ်ကို တောင်ကြီး၊ ပြင်ဦးလွင်၊ ဟင်္သာတ၊ ကျောက်ဆည်၊ မြင်းခြံ၊ မြစ်သား၊ မန္တလေး စသည့်ဒေသများတွင် စိုက်ပျိုးနေကြပြီး စီးပွားဖြစ်ဧကများများ စိုက်ပျိုးသူနည်းပါးနေသေးကြောင်း သိရသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ