တရုတ်ဘက်တွင် ဂိတ်များပြန်ဖွင့်လာ၍ ပဲတီစိမ်း ၃ ပတ်ဆက်တိုက် ဈေးကောင်းရနေ

တရုတ်ဘက်မှာ ဂိတ်များဖွင့်လာတဲ့အတွက် ပဲတီစိမ်းအရောင်းအဝယ်ပြန်ကောင်းလာပြီး ၃ ပတ်ဆက်တိုက် ဈေးကောင်းရရှိနေတယ်လို့ သိရပါတယ်။

ဒေသအချို့မှာလည်း အသစ်တွေ ဈေးကွက်ထဲကို ဆက်တိုက် ဝင်ရောက်နေပြီး ဝင်သလောက် အဝယ်ရှိနေတယ်လို့သိရပါတယ်။

ရန်ကုန်ဈေးကွက်မှာတော့ လက်ရှိ အတက်ဈေးနဲ့ပဲ ဈေးငြိမ်နေပြီး လက်ကျန်မရှိသလောက် ဖြစ်နေတဲ့အတွက် အရောင်းအဝယ်လည်း အေးနေတယ်လို့သိရပါတယ်။ ဒါပေမဲ့ နယ်ဈေးကွက်တွေကတော့ လက်ရှိ အသစ်တွေ ထွက်ရှိနေတာဖြစ်ပြီး အဝယ်လည်းလိုက်နေတာဖြစ်ပါတယ်။

ရန်ကုန်ဈေးကွက်မှာတော့ ပဲတီစိမ်း(ခရမ်းရွှေဝါ) က တစ်ပိဿာ ၂၅၈၀ ကနေ ၂၆၇၀ ကျပ်၊ ပဲတီစိမ်း(ပဲခူးရွှဝါ) က တစ်ပိဿာကို ၂၄၁၅ ကနေ ၂၅၃၅ကျပ်၊ ပဲတီစိမ်း(ဝါးခယ်မ)က တစ်ပိဿာကို ၂၁၃၀ မှ ၂၁၈၅ ကျပ် ပေါက်ဈေးရှိနေပါတယ်။

မန္တလေးဈေးကွက်မှာတော့ အရည်အသွေးပေါ်မူတည်ပြီး တစ်အိတ်ကို ၁၄၀၀၀၀ ကနေ ၁၅၂၀၀၀ ကြားအရောင်းအဝယ်ရှိနေတယ်လို့ သိရပါတယ်။

မုံရွာဈေးကွက်မှာတော့ ပဲတီစိမ်းက တစ်တင်းကို ၃၅၀၀၀ ကနေ ၄၉၀၀၀ ပေါက်ဈေးရှိပြီး တစ်တင်းကို ၁၀၀၀ ကျပ်ဈေးတက်လာတာဖြစ်တယ်လို့ သိရပါတယ်။

ပခုက္ကူဈေးကွက်မှာတော့ တစ်တင်းကို ၄၈၅၀၀ ကနေ ၄၉၀၀၀ ပေါက်ဈေးရှိပြီး ဈေးငြိမ်နေပါတယ်။

မကွေးဈေးကွက်မှာတော့ တစ်တင်းကို ၄၈၀၀၀ ပေါက်ဈေးရှိပြီး ပြီးခဲ့တဲ့အပတ်ထက်စာရင် ၅၀၀ ကျပ်ဈေးကျဆင်းသွားတယ်လို့ သိရပါတယ်။

မတ်ပဲကတော့ ယခုတစ်ပတ်အတွင်း အတက်အကျအပြောင်းအလဲများခဲ့ပါတယ်။

ငွေကြေးဈေးပြောင်းလဲမှုနဲ့ အဝင်ပေါ်မူတည်ပြီး အရောင်းအဝယ်ဖြစ်နေတဲ့အတွက် ဈေးနှုန်းက တည်ငြိမ်မှု မရှိသလို လက်ရှိပေါက်ဈေးထက် ထပ်ကျဆင်းနိုင်ခြေရှိတယ်လို့သုံးသပ်မှုတွေကြောင့် ဈေးအများကြီးမကျဆင်းခင် ရောင်းချမှုတွေ ရှိနေလို့ ဈေးကွက်အတွင်း ဈေးအေးသွားတာလို့လည်း ကုန်သည်တွေက ဆိုပါတယ်။

အိန္ဒိယနိုင်ငံမှာလည်း ငွေကြေးဈေးကျဆင်းမှုအပြင် အခြားတင်သွင်းမှုများ ပိုလာတဲ့အတွက် ဝယ်ယူမှု လျော့နည်းပြီးဈေးတွေကျဆင်းသွားတယ်လို့ သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ