နိုင်ငံတကာလက်ဖက်ပွဲတော်မှာ ပါဝင်ပြသနိုင်ရန် တအောင်းနဲ့ပလောင်လက်ဖက်လုပ်ငန်းရှင်များကို ဖိတ်ခေါ်

နောက်လမှာကျင်းပသွားမယ် နိုင်ငံတကာလက်ဖက်ပွဲတော်မှာ ပါဝင်ပြသနိုင်ဖို့အတွက် တအောင်းနဲ့ ပလောင်လက်ဖက်လုပ်ငန်းရှင်များကို ဖိတ်ခေါ်နေကြောင်း ပလောင်လက်ဖက်စိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

အဆိုပါပြပွဲမှာ ပါဝင်ပြသနိုင်ဖို့အတွက် မန္တလေး အခြေစိုက်ပလောင်လက်ဖက်အသင်းမှ တအောင်းနဲ့ ပလောင်လက်ဖက်လုပ်ငန်းရှင်များ လက်ဖက်ကုန်ချောများကို ပြသနိုင်ဖို့အတွက် ဖိတ်ခေါ်တာဖြစ် ကြောင်း ပလောင်လက်ဖက်စိုက်ပျိုးထုတ်လုပ်တင်ပို့ရောင်းချသူများအသင်းမှ အတွင်းရေးမှူး ဦး ဇော်ညွှန့်ကပြောပါတယ်။

တအောင်းနဲ့ပလောင်ကလက်ဖက်လုပ်ငန်းရှင်တွေ လုပ်ငန်းအကြီးအသေးမရွေး စိတ်ဝင်စားလိုလာ ရောက်ပြသချင်တယ်ဆိုဆက်သွယ်နိုင်ပါတယ်။ လက်ဖက်ကုန်သည်ကြီးများနဲ့အဆက်အသွယ်ရရှိပြီးတော့ အတွေ့အကြုံများရရှိစေဖို့အတွက်ရည်ရွယ်တာပါ

မြန်မာနိုင်ငံလက်ဖက်အသင်းမှ ဦးစီးကာ နိုင်ငံတကာလက်ဖက်ပြပွဲကို ဖေဖေါ်ဝါရီလ ၂၂ ရက် နဲ့ ၂၃ ရက်နေ့မှာ ပြုလုပ်သွားမှာဖြစ်ကြောင်းသိရပါတယ်။

တအောင်းဒေသမှ ထွက်ရှိတဲ့လက်ဖက်များကိုလည်း အဆင့်မြှင့်တင်ထုတ်လုပ်နိုင်ရန် အခုနှစ်အတွင်း မှာ ဆောင်ရွက်သွားမှာဖြစ်ကြောင်းလည်းသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ