မြန်မာနိုင်ငံဆန်စပါးအသင်းချုပ်မှ လယ်ယာစိုက်ပျိုးရေးလုပ်ငန်းများအတွက် နိုင်ငံတော်အစိုးရထံကို အကြံပြုတင်ပြ

Covid – 19 ကာလမှာ ဆန်စပါးလုပ်ငန်းနဲ့ လယ်ယာစိုက်ပျိုးရေးလုပ်ငန်းများအတွက် နိုင်ငံတော်အစိုးရနှင့် သက်ဆိုင်ရာဝန်ကြီးဌာနများကို အကြံပြုတင်ပြထားကြောင်းမြန်မာနိုင်ငံဆန်စပါးအသင်းချုပ်မှ သိရပါတယ်။

အခုလက်ရှိမှာတော့ အကြံပြုချက်များအတိုင်း နိုင်ငံတော်အစိုးရကို အကြံပြုတင်ပြထားတယ်လို့ မြန်မာနိုင်ငံဆန်စပါးအသင်းချုပ်မှ တာဝန်ရှိသူတစ်ဦးက ပြောပါတယ်။

စိုက်ပျိုးစရိတ်ချေးငွေများ၊ အခြားစိုက်ပျိုရေးလုပ်ငန်းများကို လွယ်ကူလျင်မြန်စွာ ခွင့်ပြုပေးနိုင်ရန်၊ တောင်သူများရဲ့လိုအပ်ချက်များအပေါ် ဝန်ဆောင်မှုပေးနိုင်ရန်၊ သွင်းအားစုများနဲ့ စိုက်ပျိုးရေးဆိုင်၊ စက်မှုလယ်ယာကိရိယာများကို ကြိုတင်ပြင်ဆင်နိုင်ရန်အတွက် စိုက်ပျိုးရေးဦးစီးဌာနမှ ဦးစီးဆောင်ရွက်ပေးနိုင်ရန်၊ ဈေးကွက်မကျဆင်းရေးနဲ့ စတဲ့အကြံပြုချက်များပါဝင်ကြောင်း သိရပါတယ်။

အကျိုးတူကန်ထရိုက်လယ်ယာစနစ်ကို ဆောင်ရွက်ပေးရေး၊ နိုင်ငံတကာချေးငွေရရှိပေးရေးနဲ့ လျှပ်စစ်ဓါတ်အားခနှုန်းများကို လျှော့ပေးရေး စတဲ့အချက်များကို တောင်းဆိုထားကြောင်း မြန်မာနိုင်ငံဆန်စပါးအသင်းချုပ်မှ သိရပါတယ်။

တိုးတိုးခိုင်(ABM)