မီလီဂျပိုး(ခေါ်) ပိုးစေးနှဲ (Mealy bug)

ဦးကြီးအားလုံး မင်္ဂလာပါဗျ။

ဦးကြီးတို့စိုက်ပျိုးထားသော သီးနှံအများစု (သို့မဟုတ်) အိမ်အတွင်း စိုက်ပျိုးထား သော သီးနှံပင်များ၊ ပန်းပင်အများစုတွင် မီလီဂျပိုးများ ကျရောက်နေသည်ကို မြင်ဖူး ကြမယ်လို့ထင်ပါတယ်။ ထိုမီလီဂျပိုးများ ကျရောက်သောအခါ အပင်များပေါ်တွင် အဖြူရောင် အမှုန်လေးများ တွယ်ကပ်နေသကဲ့သို့ဖြစ်ပေါ်နေပါသည်။ မီလီဂျပိုးများသည် သေးငယ်သော်လည်း သီးနှံအထွက်နှုန်းများကို ထိခိုက်နိုင်ပြီး အိမ်အတွင်းအလှစိုက် ထားသော အပင်များ တွင် ကျရောက်လျှင်လည်း အပင်များကို ရုပ်ဆိုးစေပါသည်။ ထို့ကြောင့် မီလီဂျပိုးအကြောင်းကို ဆက်လက်လေ့လာကြရအောင်။

မီလီဂျပိုးများကို အပူပိုင်းဒေသများတွင် တွေ့ရများပါသည်။ ထိုပိုးများသည် သေးငယ်ပြီး ခန္ဓာကိုယ်ပျော့သော အကောင်အမျိုးအစားဖြစ်ပါသည်။ မီလီဂျပိုးများ၏ အရွယ်အစားသည် တစ်လက်မ၏ ဆယ်ပုံတစ်ပုံခန့််သာ ရှိပါသည်။ မီလီဂျပိုးများ၏ ခန္ဓာကိုယ်မှာ ဘဲဥပုံစံ ရှိပြီး မီလီဂျပိုးများသည် အပင်များမှ ပင်ရည်ကို စုပ်ယူစားသုံးသော ဂျပိုးအမျိုးအစား ဖြစ်ပါသည်။ ထိုပိုးလေးများသည် အရွက်၊ ကိုင်း၊ အသီးအားလုံးမှာ ကျရောက်ဖျက်ဆီး နိုင်ပါ သည်။

မီလီဂျပိုးများသည် အပင်များတွင် အသစ်ထွက်သော အကိုင်းနုများကို ပို၍ ကြိုက်နှစ်သက်ပြီး ကျရောက်ဖျက်စီးမှု ပိုများပါသည်။ မီလီဂျပိုးများ ကျရောက်သောအခါ အသိသာဆုံးလက္ခဏာမှာ အဖြူရောင်အမှုန်များကဲ့သို့သော မီလီဂျပိုးအကောင်များ တွယ်ကပ်နေပါသည်။ ထို့နောက်သစ်ရွက်များသည် အဝါရောင်ပြောင်းသွားပြီး နောက်ဆုံးတွင် ကြွေကျသွားပါသည်။ အသီး များ၊ ပန်းပွင့်များတွင်လည်း ကျရောက်ဖျက်စီးနိုင်ပါသည်။ မီလီဂျပိုးများကျရောက်မှုသည် ကျပ်ခိုးမှိုကျရောက်မှုကိုပါ အားပေးတက်ပါသည်။

ဦးကြီးတို့ သီးနှံအပင်များပေါ်တွင် တွေ့မြင်နေရသော မီလီဂျပိုးများသည် အမများ ဖြစ်ပါသည်။ မီလီဂျပိုးအထီးများကို အပင်များပေါ်တွင် တွေ့ရသည်မှာ ရှားပါသည်။ အထီးများသည် တောင်ပံပါရှိပါသည်။ မီလီဂျပိုးအမများသည် အထီးများနှင့် မိတ်လိုက်ပြီး သောအခါတွင် အရွက်အောက်မျက်နှာပြင်များ၊ သစ်ကိုင်းခွကြားများ၊ အညွှန့်၊ အဖူးများ ပေါ်တွင် ဥများဥချခဲ့ပါသည်။ အမတစ်ကောင်သည် ဥပေါင်း ၃၀၀ မှ ၆၀၀အထိ ဥနိုင်ပါသည်။ ထိုဥလေးများသည် ဆယ်ရက်ခန့်အကြာတွင် ဥမှ အကောင်ပေါက်လာပြီး ထိုအကောင်လေး များသည် ပင်ရည်ကို စုပ်ယူစားသုံးပါသည်။ ထို့နောက်ပိုးတုံးလုံးအဆင့်သို့ရောက်သောအခါ အခြားအပင်များသို့ ကူးပြောင်း၍ ကျရောက်ဖျက်စီးးပါသည်။ ထို့နောက် ၄-၈ ပတ်ကြာသောအခါ အကောင်ကြီးဘဝသို့ ရောက်ရှိသွားပါသည်။

ကာကွယ်နှိမ်နင်းနည်းများ

• အကောင်းဆုံး ကာကွယ်နှိမ်နင်းနည်းမှာ ကြိုတင်ကာကွယ်နှိမ်နင်းနည်းဖြစ်ပါသည်။

• အားနည်းသော အပင်များသည် ကျန်းမာသန်စွမ်းသော အပင်များထက် မီလီဂျပိုး ကျရောက်မှုဒဏ်ကို ပိုမိုခံရဖွယ်ရှိသောကြောင့် အပင်များကို ကျန်းမာသန်စွမ်းအောင် ပြုလုပ်ပေးထားရပါမည်။

• သို့သော်လည်း ရေများအလွန်အကျွံပေးခြင်း၊ နိုက်ထရိုဂျင်မြေသြဇာများ အလွန်အကျွံ ပေးခြင်းကိုလည်း ရှောင်ရှားရပါမည်။

• အပင်များပေါ်တွင် မီလီဂျပိုးများကျရောက်နေသည်ကို စတွေ့လျှင် ကျရောက်နေသော အကိုင်းများကို ဖယ်ရှာပြီး မီးရှို့ဖျက်စီးပစ်ရပါမည်။

• စိုက်ခင်းအနီးပတ်ဝန်းကျင်တွင် မြက်ခြောက်၊ အမှိုက်ခြောက်၊ သစ်ကိုင်းခြောက် များကို လေတင်ဘက်က မီးရှို့၍ မီးခိုးမှိုင်းတိုက်ပေးနိုင်ပါသည်။

• ဘော်ဒိုဆေးရည်ကို အသီး၊ အပွင့်မရှိချိန် ကိုင်းများတစ်လျှောက် သုတ်လိမ်း၍ ကာကွယ် နိုင်ပါသည်။ စိုက်ခင်းနေရာအနှံ့ ထုံးမှုန့်များ ဖြူးထားပေးပါ။

• တမာပိုးသတ်ဆေးများကို အကောင်များစတွေ့တွေ့ချင်းဖျန်းပေးနိုင်ပါသည်။ ဓာတုပိုး သတ်ဆေးများကို လိုအပ်မှသာ အသုံးပြုပေးသင့်ပါသည်။

Source- https://www.thespruce.com/how-to-control-mealybugs-1902890

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ