"မိုးလေဝသနဲ့ဇလဗေဒ" ဆိုတာ မိုးရွာ မုန်တိုင်း ရေကြီးတွေ ခန့်မှန်းရုံလောက်နဲ့ မပြီးသင့်ပါ..

"မိုးလေဝသနဲ့ဇလဗေဒ" ဆိုတဲ့ဘာသာရပ်က မိုးရွာမယ်/မိုးမရွာဘူး၊ လေတိုက်မယ်/လေမတိုက်ဘူး၊ ရေကြီးမယ်/ရေမကြီးဘူး၊ မုန်တိုင်းတိုက်မယ်/မုန်တိုင်းမတိုက်ဘူး ဆိုတာတွေလောက်နဲ့ မပြီးပါဘူး။ ရှာဖွေကယ်ဆယ်ရေးနဲ့ ပြန်လည်နေရာချထားရေးလုပ်ငန်းစဉ်တွေအထိ ထည့်သွင်းစဉ်းစားတတ်ကြဖို့ လိုလာပါပြီ။

စိတ်ပါဝင်စားသူတွေ လေ့လာဆည်းပူးသူတွေ စတဲ့ မိုးလေဝသနဲ့ဇလဗေဒဆိုင်ရာ ပုံမှန်ဝန်ထမ်းမဟုတ်သူများက တစ်နှစ်တာကာလအတွင်းမှာ သူ့ဒေသနဲ့သူ ဖြစ်တတ်တဲ့ ရာသီဥတုပြောင်းလဲ‌ဖြစ်ပေါ်မှုတွေ၊ ရာသီဥတုပြောင်းလဲဖြစ်ပေါ်နေတာကို ဖြစ်စေတဲ့ သဘာဝတရားနဲ့/လူတွေရဲ့ သဘာဝပတ်ဝန်းကျင်ထိန်းသိမ်းစောင့်ရှောက်မှု အမူအကျင့်တွေ၊ သဘာဝဘေးအန္တရာယ်တွေကိုပါ လေ့လာပြီးတော့ ဖြစ်လာနိုင်တဲ့ သဘာဝဘေးအန္တရာယ်တွေက ဒေသခံပြည်သူလူထု လွတ်ကင်းအောင်၊ အချိန်မီသိရှိရှောင်ရှားနိုင်အောင် ထိရောက်တဲ့သတင်းအချက်အလက်တွေ မျှဝေပေးနိုင်ဖို့နဲ့ မှန်ကန်ကြဖို့က အဓိကအရေးကြီးပါတယ်။

မိုးလေဝသနဲ့ဇလဗေဒဆိုင်ရာ ခန့်မှန်းချက်တွေ ပြည်သူလူထုသိလာအောင် သတိပေးတာ/အသိပေးတာတွေ လုပ်ပြီးတဲ့နောက် ဖြစ်လာမယ့် သဘာဝဘေးအန္တရာယ်တွေအတွက် ဆက်လုပ်ကြရမယ့် ရှာဖွေကယ်ဆယ်ရေးလုပ်ငန်းကို စီမံခန့်ခွဲရမယ့် အတတ်ပညာတွေကလည်း ပြည်သူလူထုအတွက် သိထားသင့်၊ လေ့လာထားသင့်တဲ့ အလုပ်တွေထဲက တစ်ခုပါပဲ။

မိုးလေဝသနဲ့ဇလဗေဒဆိုင်ရာ ကြိုတင်ခန့်မှန်းချက်တွေရော၊ သဘာဝဘေးအန္တရာယ်များနဲ့ ကြုံတွေ့ရတဲ့ ပြည်သူလူထုအတွက် ရှာဖွေ/ကယ်ဆယ်ရေးလုပ်ငန်းတွေရော၊ သဘာဝဘေးအန္တရာယ်ကျရောက်လို့ ပျက်စီးတဲ့/ပျက်စီးဆုံးရှုံးရတဲ့ လယ်ယာစိုက်ပျိုးရေးနဲ့ မွေးမြူရေးကဏ္ဍတွေကလည်း စားနပ်ရိက္ခာမပြတ်လပ်ရေးအတွက် အရေးကြီးတာကြောင့် သေသေချာချာစီမံခန့်ခွဲလမ်းညွှန်ပေးနိုင်တဲ့၊ အချင်းချင်းချိတ်ဆက်လုပ်ကိုင်နိုင်တဲ့ အဖွဲ့အစည်းကောင်းကောင်းတစ်ခုရှိလာအောင်အထိ နိုင်ငံတစ်နိုင်ငံကို အုပ်ချုပ်စီမံမယ့် ဘယ်သူကဖြစ်ဖြစ်/ဘယ်အဖွဲ့အစည်းကဖြစ်ဖြစ် စဉ်းစားအကောင်အထည်ဖေါ်နိုင်ကြဖို့ လိုလာပါလိမ့်မယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ