ဘုရင့်နောင် ကြက်သွန်ဈေး တစ်ပိဿာ ကျပ် ၂၀၀၀ ထိ ရောက်လာ

တရိပ်ရိပ် ပြန်တက်လာတဲ့ ကြက်သွန်ဈေးဟာ ဒီနေ့ ဇူလိုင် ၂၇ ရက်မှာလည်း ဆက်တက်လာပြီး ရန်ကုန်ဘုရင့်နောင်ဈေးကွက်မှာတော့ တစ်ပိဿာ ၂၀၀၀ ကျပ်ထိ ပေါက်ဈေးရှိလာပါတယ်။

ပြီးခဲ့တဲ့ ဇွန် ၂၁ ရက်တုန်းမှာ တစ်ပိဿာ ကျပ် ၁၉၀၀ ထိ ပေါက်ဈေးရောက်ရှိပြီးနောက် ဆက်တိုက်ဈေးပြန် ကျလာတဲ့ ကြက်သွန်နီ (ဆိပ်ဖြူရှယ်(သစ်)) ဟာ ဇူလိုင် တတိယပတ်အတွင်း တဖြည်းဖြည်း ဈေးပြန်တက်လာရာကနေ ဒီနေ့မှာတော့ တစ်ပိဿာ ကျပ် ၂၀၀၀ ထိ မြင့်လာတာဖြစ်ပါတယ်။ 

အမျိုးအစားအားလုံး နေ့စဉ် ဈေးတွေတက်နေတာဖြစ်ပါတယ်။

*ယနေ့ ကြက်သွန်နီဈေးနှုန်းများ (၁ ပိဿာ) (ဘုရင့်နောင်ဈေးကွက်)

• ကြက်သွန်နီ (ဆိပ်ဖြူရှယ် - သစ်) - ၂၀၀၀ ကျပ်
• ကြက်သွန်နီ (ဆိပ်ဖြူလတ်ကြီး)   - ၁၉၀၀ ကျပ်
• ကြက်သွန်နီ (ဆိပ်ဖြူလတ်သန့်)   - ၁၇၀၀ ကျပ်
• ကြက်သွန်နီ (ဆိပ်ဖြူလတ်ချော)  - ၁၄၀၀ ကျပ်

ဆန်ချောဈေးတွေကတော့ ဆက်တက်တာမျိုးမရှိဘဲ မနေ့က အတက်ဈေးတွေအတိုင်းပဲ ဈေးတွေငြိမ်နေပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။