ပုသိမ်ဈေးကွက်တွင် စပါးဈေးများ ၄ ရက်အတွင်း ကျပ် ၅၀၀၀၀ အထက် ဈေးတက်လာပြီး ဆန်ဈေးများလည်း ဆက်တက်

ဧရာဝတီဈေးကွက်မှာ ပုသိမ်ပေါ်ဆန်းစပါးဈေးဟာ မတ် ၂၅ ရက်ကနေ ဒီနေ့ ၂၉ ရက်ထိ ၄ ရက်အတွင်း ကျပ် ၅၀၀၀၀ ကျော် ဈေးတက်လာပြီး ဆန်ဈေးများလည်း ဆက်တက်နေတယ်လို့ ပုသိမ်ဈေးကွက်ထံမှ ရရှိတဲ့သတင်းတွေအရ သိရပါတယ်။

မတ် ၂၅ ရက်က တင်းတစ်ရာကို ၁၀၀၈၀၀၀ သာရှိခဲ့တဲ့ ပုသိမ်ပေါ်ဆန်း(မိုး) စပါးဟာ ဒီနေ့ မတ် ၂၉ မှာတော့ ကျပ် ၁၀၆၀၀၀၀ ထိ ဈေးရှိနေပြီး လေးရက်အတွင်း ကျပ် ၅၂၀၀၀ ဈေးတက်လာတာ ဖြစ်ပါတယ်။ ဆန်ဈေးအနေနဲ့တော့ တစ်တင်းခွဲတစ်အိတ်ကို ကျပ် ၃၅၀၀ ဈေးတက်လာပြီး မတ် ၂၅ ရက်က ကျပ် ၄၁၅၀၀ သာ ရှိခဲ့ရာကနေ မတ် ၂၉ မှာတော့ ကျပ် ၄၅၀၀၀ ဖြစ်သွားတာပါ။

မိုးစပါး အကြမ်းတွေလည်း ဈေးသိသိသာသာ တက်လာပြီး မတ် ၂၅ ရက်က မနောသုခ (မိုး) စပါးဟာ တင်းတစ်ရာကို ၇၂၇၀၀၀ သာ ဈေးရှိခဲ့ရာကနေ မတ် ၂၉ မှာတော့ ၇၈၂၀၀၀ ထိ ဖြစ်လာလို့ လေးရက်အတွင်း ကျပ် ၅၅၀၀၀ ဈေးတက်လာတာပါ။ ဆန်ဈေးအနေနဲ့တော့ တစ်အိတ်ကို ကျပ် ၁၅၀၀ ဈေးတက်လာပြီး ၂၈၅၀၀ ကနေ ၃၀၀၀၀ ဖြစ်သွားတယ်လို့ သိရပါတယ်။

ရန်ကုန်ဈေးကွက်မှာတော့ မတ် ၂၅ ရက်ကနေ ဒီနေ့အထိ ဆန်ဈေးတွေတည်ငြိမ်နေပြီး ဆန်အဝင် များနေတာကြောင့်ဖြစ်တယ်လို့ သိရပါတယ်။ နယ်ဈေးကွက်မှာတော့ ဆန်စပါးဈေးတွေက ဆက်တိုက်ဈေးတက်နေခဲ့တာဖြစ်ပြီး အဓိကကတော့ သယ်ယူပို့ဆောင်စရိတ်နဲ့ စက်သုံးဆီစရိတ်မြင့်တက်တာတွေကြောင့်ဖြစ်တယ်လို့သိရပါတယ်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ