ငရုတ်စိုက်ပျိုးသူများ ခဲဓာတ်ပါဝင်မှုကို သတိပြုရန် လိုအပ်

ငရုတ်စိုက်ပျိုးထုတ်လုပ်သူများအနေဖြင့် ခဲဓာတ်ပါဝင်မှုကို သတိပြုရန် လိုအပ်ကြောင်း ဈေးကွက်ကျွမ်းကျင်သူများထံမှ သိရသည်။

အခုရက်ပိုင်းအတွင်းမှာလေးတင် မြန်မာ့ငရုတ်သီးတချို့မှာ ခဲဓာတ်ပါဝင်မှုများလို့ဆိုပြီး တရုတ်ဘက်ကို ငရုတ်သီးတင်ပို့ခွင့် အရောင်းအဝယ် ခေတ္တရပ်နားမယ်ဆိုပြီး ဖြစ်ခဲ့ပါသေးတယ်။ ဇန်နဝါရီလ ၁ ရက်နေ့ မှာတော့ ပြန်လည်ခွင့်ပြုလိုက်ပြီလို့ ကြားသိရပါတယ်။ ခဲဓာတ်ပါဝင်မှုက မြေဩဇာတွေမှာ၊ မြေကြီးထဲမှာလည်း ရှိနေတတ်ပါတယ်။ ဒါတွေကို တောင်သူတွေအနေနဲ့ သိရှိထားဖို့ လိုအပ်ပါတယ်။ ပိုးသတ်ဆေး၊ မှိုသတ်ဆေး၊ ပေါင်းသတ်ဆေးတွေ ထုတ်လုပ်ရာမှာလည်း ခဲဓာတ်ပါဝင်မှု များလား နည်းလား၊ တောင်သူတွေ မသိနိုင်ပါဘူး။

ဟု အရှေ့မြောက်တံခါး ကုမ္ပဏီ၏ ဈေးကွက်မန်နေဂျာ ဦးစိုးမိုးဂျူလှိုင်က ပြောသည်။

ခဲဓာတ်ပါဝင်မှု မြင့်မားနိုင်စေသော အကြောင်းအရင်းများအနေဖြင့် မြေကြီးအတွင်း ခဲဓာတ်များနေခြင်း၊ စိုက်ပျိုးရေးသုံးဆေးများ သုံးစွဲမှုလွန်ကဲခြင်း၊ သုံးရေများတွင် ခဲဓာတ်ပါဝင်မှု များနေခြင်း၊ ခဲဓာတ်ပါသော ရေပိုက်များကို တပ်ဆင်သုံးစွဲခြင်း၊ တာရှည်ခံဆေးများကို အသုံးပြုခြင်း၊ ပိုးသတ်ဆေး၊ ပေါင်းသတ်ဆေး၊ မှိုသတ်ဆေးနှင့် ဓာတ်မြေဩဇာများ သုံးစွဲရာတွင် ခဲဓာတ်ပါဝင်မှုများသည့် ဆေးများကို အသုံးပြုကြခြင်းတို့ကြောင့်လည်း ဖြစ်နိုင်ကြောင်း သိရသည်။

သတ္တုဓာတ်တွေက သဘာဝအလျောက် မြေဆီလွှာအတွင်း တည်ရှိလျက်ရှိပါတယ်။ စက်မှုလုပ်ငန်းနဲ့ စီးပွားရေးလုပ်ငန်းတွေအတွက် ခဲဓာတ်ကို တူးယူအသုံးပြုနေကြတာက နှစ်များစွာကြာရှည်ခဲ့ပြီ။ သတ္တုဓာတ်များစွာ ရှိတဲ့အနက် တချို့ သတ္တုဓာတ်တွေက လူသားတွေကို သွယ်ဝိုက်၍ဖြစ်စေ၊ တိုက်ရိုက်စနစ်နဲ့ဖြစ်စေ အကျိုးပြုလုပ်ငန်းစေတာမျိုးလည်း ရှိပါတယ်။

ဟု ဦးစိုးမိုးဂျူလှိုင်က ဆက်လက်ပြောသည်။

ခဲဓာတ်၊ ပြဒါးဓာတ်၊ ကတ်ဒမီယမ်၊ ခရိုမီယံ၊ ငွေ၊ အာဆင်းနစ်ဓာတ် တို့သည် လူတို့၏ ခန္ဓာကိုယ် အတွင်း ပမာဏအများအပြားရောက်ရှိပါကမူ ကျန်းမာရေးကို ထိခိုက်စေတတ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ