ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

မြန်မာ့အာဏာပိုင်အဖွဲ့အစည်းများမှ ရေသယံဇာတနှင့် ငါးသယံဇာတ ပျက်စီးခြင်းမှ ကာကွယ်ရန်အတွက် ရန်ကုန်မြစ်အတွင်း တရားမဝင် ငါးဖမ်းဆီးခြင်းကို အတိအလင်းတားမြစ်ထားကြောင်း ဗုဒ္ဓဟူးနေ့က ထုတ်ဝေခဲ့တဲ့ မြန်မာ့အလင်းသတင်းစာမှာ ဖော်ပြခဲ့ပါသည်။

မြစ်သုံးစင်းပေါင်းဆုံရာ ပဲခူးမြစ်၊ ရန်ကုန်မြစ်နှင့် လှိုင်မြစ်ကြောင်းတစ်လျှောက် အတွင်းတွင်လဲ အဆိုပါ တရား မဝင် ငါးဖမ်းဆီးခြင်းကို တားမြစ်ထားသည်။ မြန်မာ့ပင်လယ်ပြင်တွင် ငါးအလွန်အကျွံဖမ်းဆီးခြင်းမှ ကာကွယ်ရန်အတွက် ထိုတားမြစ်ချက်ကို ဇွန်လမှ သြဂုတ်လအထိ သတ်မှတ်ထားပါသည်။

မြန်မာ့ငါးလုပ်ငန်းအဖွဲ့ချုပ်မှ လျှပ်စစ်ဓါတ်ဖြင့် ငါးဖမ်းခြင်း၊ ပေါက်ကွဲစေတတ်သည့်ပစ္စည်းဖြင့် ငါးဖမ်းခြင်း စသည့် တရားမဝင် ငါးဖမ်းဆီးခြင်းလုပ်ငန်းများကို ပပျောက်စေရန် ဆောင်ရွက်လျက်ရှိပါသည်။

လျှပ်စစ်ရှော့တိုက် ငါးဖမ်းခြင်း၊ ပေါက်ကွဲစေတတ်သည့်ပစ္စည်းဖြင့် ငါးဖမ်းခြင်း စသည်တို့သည် ငါးမျိုးပွာခြင်း၊ ရေလုပ်ငန်းအရင်းအမြစ်များ၊ ဇီဝမျိုးကွဲမျိုးစုံနှင့် သဘာဝပတ်ဝန်းကျင်တို့ကို ထိခိုက်ပျက်စီးစေသဖြင့် ပြင်းပြင်း ထန်ထန် တားမြစ်ထားပါသည်။ ထိုသို့ တရားမဝင် ဖမ်းဆီးခြင်းလုပ်ငန်းများမှာ ရန်ကုန်တိုင်း၊ ဧရာဝတီတိုင်း နှင့် တနင်္သာရီတိုင်း တို့တွင် အများဆုံးတွေ့ရှိရသည်။

မြန်မာနိုင်ငံတွင် ငါးနှင့် ပုစွန်မွေးမြူရေးကန် ဧရိယာပေါင်း ၄၈၀၀၀၀ ဧက (၁၉၄၂၄၉ ဟက်တာ) ရှိပြီး မြန်မာ့ ငါးလုပ်ငန်းအဖွဲ့ချုပ်က တိုင်းနှင့်ပြည်နယ် အသီးသီးရှိ အစိုးရအဖွဲ့အစည်းများနှင့် ပူးပေါင်းကာ ငါးနှင့် ပုဇွန် မွေးမြူရေးဇုန်များ ဖြစ်ပေါ်လာရေးအတွက် ကြိုးစားဆောင်ရွက်လျက်ရှိပါသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ ၂၀၁၇ − ၁၈ ဘဏ္ဍာရေးနှစ်၏ မတ်လကုန်အထိ ကိန်း ဂဏန်းများအရ နိုင်ငံခြားသို့တင်ပို့သော ရေထွက်ကုန်ပစ္စည်းတန်ချိန် (၅၆၈.၂၂၇ တန်) ကျော်မှ အမေရိကန် ဒေါ်လာ ၇၁၇.၇ သန်းခန့် ရရှိခဲ့သည်ဟုသိရသည်။

Source – Xinhua News (20.6.2018)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ