လျှော်ဖြူစိုက်ပျိုးရေးအတွက် စနစ်တကျပံ့ပိုးမှုများရရှိပါက နိုင်ငံအတွက် ပြည်ပပို့ကုန်အမယ်သစ်တစ်ခု ဖြစ်လာနိုင်

လျှော်ဖြူစိုက်ပျိုးရေးအတွက် စနစ်တကျပံ့ပိုးမှုများရရှိပါက နိုင်ငံအတွက် ပြည်ပပို့ကုန်အမယ်သစ်တစ်ခု ဖြစ်လာနိုင်ကြောင်း မြန်မာနိုင်ငံ လျှော်ဖြူစိုက်ပျိုးထုတ်လုပ်တင်ပို့ရောင်းချသူများအသင်းမှ သိရသည်။

အစိုးရက သင့်တင့်မျှတတဲ့ အခွန်ကောက်ပြီး စိုက်ပျိုးထုတ်လုပ်ရောင်းချသူတွေရဲ့ အကျိုးစီးပွားကို ကာကွယ်စောင့်ရှောက်ပေးမယ့် အစီအစဥ်မျိုးသာ ပေါ်ပေါက်လာမယ်ဆိုရင် စိုက်ပျိုးထုတ်လုပ်သူတွေရဲ့အခြေအနေ ပိုမိုကောင်းမွန်လာပြီး နိုင်ငံအတွက် ပြည်ပပို့ကုန်အမယ်သစ်တစ်ခုလည်း ရသွားမှာပါ။ လျှော်ဖြူစိုက်ပျိုးရေးကို တကယ်သာ စနစ်တကျ ပံ့ပိုးပေးမယ်ဆိုရင် နိုင်ငံခြားဝင်ငွေတိုးလာနိုင်သလို၊ သဘာဝပတ်ဝန်းကျင်နဲ့ အပူပိုင်းဒေသတွေကို စိမ်းလန်းစိုပြေစေတဲ့ ကောင်းကျိုးတွေကိုပါ ရစေနိုင်ပါတယ်။

ဟု မြန်မာနိုင်ငံ လျှော်ဖြူစိုက်ပျိုးထုတ်လုပ်တင်ပို့ ရောင်းချသူများအသင်း ဥက္ကဌ ဦးဇင်မင်းသန့် က ပြောသည်။

လျှော်ဖြူအစေး တင်ပို့ရောင်းချရာတွင် သဘာဝကြာဇံမျှင်၊ ကြာဇံအတို၊ ရေခဲပွင့်၊ ထိပ်စ/AAA ၊ One စ၊ အောက်စ စသည်ဖြင့် အရည်အသွေးပေါ်မူတည်ပြီး ခေါ်ဝေါ်ရောင်းချနေကြပြီး၊ တရုတ်နိုင်ငံသို့ အဖမ်းအဆီးကင်းကင်းဖြင့် တရားဝင်တင်ပို့ရောင်းချခွင့်ရရှိရန် တောင်သူအများ မျှော်လင့်နေကြသည်။

ကျွန်တော်တို့လေ့လာမိသလောက် လွန်ခဲ့တဲ့ နှစ်ပေါင်းများစွာ ကတည်းက ဈေးကွက်ရှိထားပြီး တစ်နေ့ထက်တစ်နေ့ ဈေးကွက်နေရာရလာတဲ့ သီးနှံထုတ်ကုန်မျိုးဟာ အခိုက်အတံ့ အရောင်းအဝယ် နှေးတာ၊ ဈေးနည်းတာ/ဈေးများတာသာ ရှိမယ်။ ဈေးကွက်လုံးဝ ပျောက်သွားတဲ့အထိ မဖြစ်နိုင်ပါဘူး။

ဟု ၎င်းက ဆက်လက်ပြောသည်။

မြန်မာနိုင်ငံတွင် လျှော်ဖြူပင်စိုက်ပျိုးရေးကို အပူပိုင်းဒေသများဖြစ်ကြသည့် မန္တလေးတိုင်း၊ စစ်ကိုင်းတိုင်း၊ မကွေးတိုင်း တို့၌ အများဆုံးစိုက်ပျိုးနေကြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ