တောင်သူများ နည်းပညာထက် စိုက်စရိတ်နဲ့ရာသီဥတုကိုသာ ပူပန်နေရ

နှမ်းနက်စိုက်ပျိုးရာတွင် စိုက်ပျိုးရေးနည်းပညာထက် စိုက်စရိတ်၊ ရာသီဥတုကိုသာ ပူပန်နေရကြောင်း တောင်သူများက ပြောသည်။

နှမ်းနက်စိုက်ပျိုးရာမှာ အခက်အခဲကတော့ အစုံပေါ့။ ငွေလိုတဲ့အခါ၊ ပိုက်ဆံမရှိတဲ့အခါ ရေကလည်းတင်ရတော့မယ်၊ မြေဆီကလည်း ကြဲရတော့မယ်ဆိုရင် ပြာယာခတ်နေအောင် ငွေရှာရတာပေါ့။ စိုက်ပျိုးတဲ့အချိန် ရာသီဥတု ဖောက်ပြန်တာနဲ့ကြုံရင် နှမ်းက မလှတော့ဘူး။ အဲ့ဒိအခါ စျေးကျတာပေါ့။ မနှစ်ကဆို နှမ်းရိတ်ခါနီးမှ မိုးများလို့ အခင်း ပျက်သွားပြီး၊ နှမ်းပင်တွေ သေကုန်တယ်။ အကုန်လုံးကို ဆုံးရှုံးသွားတာမျိုး ကြုံတွေ့ရဖူးပါတယ်။

ဟု ရွှေဘိုခရိုင်မှ နှမ်းစိုက်တောင်သူ ဦးလှဝင်းအောင်က ပြောသည်။

စိုက်ပျိုးနည်းသိရှိသော်လည်း စိုက်ပျိုးချိန်တွင် ထွန်ခုံငှားခ၊ နှမ်းမျိုးဖိုး၊ အလုပ်သမားခများ မလုံလောက်ပါက တောင်သူများ အခက်ကြုံကြရခြင်း ဖြစ်သည်။

ထွန်ခုံငှားရတယ်။ နှမ်းမျိုးက တစ်ပြည်ကို ၇ဝဝဝ ကျပ် ပေးရတယ်။ အလုပ်သမားခက တစ်နေ့ ၆ဝဝဝ ကျပ် ပေးရတယ်။ ထမင်းကျွေးရတယ်။ စုစုပေါင်းစိုက်ပျိုးစရိတ် တစ်ဧကကို (၂၅ဝဝဝဝ)လောက် ကုန်ပါတယ်။

ဟု ဦးလှဝင်းအောင်က ဆက်လက် ပြောသည်။

နှမ်းမစိုက်ခင် မြေကို ထွန်ခုတ်မောင်းပြီး၊ ရေသွင်းကြသည်။ မြေပြင်ချိန်တွင် တစ်ဧကကို (၁၅) ပတ်လည် တစ်လုံးနှုန်း ကြဲပေးရသည်။ ထို့နောက် နှမ်းမျိုးကို ပက်ရသည်။ နှမ်းပက်ပြီးချိန်တွင် လက်တွန်း ထွန်ခုံနဲ့ ထွန်ခုတ်မောင်းရသည်။ (၃)ရက်အကြာမှာ ရေထပ်ပေးရသည်။ ဤသို့ဖြင် (၁၅) ရက်၊ ရက် (၂ဝ) သားတွင် ပိုးသတ်ဆေး၊ မြေဆီ တစ်ခါပေး၊ ရေတစ်ခါ ထပ်ပေးရင်း ရေတစ်ခါပေးတိုင်း မြေဆီတစ်ခါ ကျွေးပေးရကြောင်း တောင်သူများထံမှ သိရသည်။

နန်းထက်ထက်ချစ်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ