တီလားပီးယားငါးသားဖောက်ရန် အခြေခံလိုအပ်ချက် (၁၁) ချက်

ငါးသားဖောက်ရုံက ငါးမွေးမြူရေးအတွက် လိုအပ်တဲ့ ငါးသားလောင်း၊ ငါးမှုန်၊ ငါးသန်စတဲ့ ငါးသားပေါက်တွေ ထုတ်လုပ်ဖို့ ငါးအထီး၊အမတွေကို သားဖောက်ရန်ပြည့်စုံစွာ တည်ဆောက်ထားသင့်တဲ့ နေရာပဲ ဖြစ်ပါတယ်။ သားဖောက်စခန်းတွေကို ကောင်းမွန်စွာ စီမံခန့်ခွဲနိုင်မှုရှိဖို့ကလည်း အလွန်အရေးကြီးပါတယ်။ ဒါ့ကြောင့် တီလားပီးယား ငါးသားဖောက်ရန် အတွက် လိုအပ်တဲ့ အခြေခံအချက်များကို ဖော်ပြလိုက်ရပါတယ်။

 

(၁) သားဖောက်စခန်းတည်နေရာက ဗဟိုအချက်အချာကျပြီး လျှပ်စစ်မီးရရှိရန်လိုအပ်ပါတယ်။ လမ်းပန်းဆက်သွယ်ရေးနဲ့ ဝန်ဆောင်မှုတွေထိထိရောက်ရောက် လုပ်ဆောင်နိုင်တဲ့နေရာဖြစ်ဖို့ကလည်း အရေးကြီးပါတယ်။

 

(၂) ရေကောင်းရေသန့်လုံလောက်စွာရှိရပါမယ်။

 

(၃) သားဖောက်ရုံကို စနစ်တကျ တည်ဆောက်ထားသင့်ပါတယ်။

 

(၄) အရည်အသွေးကောင်းတဲ့ ငါးအထီး၊ အမတွေကိုသာ မွေးမြူသင့်ပါတယ်။

 

(၅) စနစ်တကျ ထိရောက်တဲ့ စီမံခန့်ခွဲမှုနဲ့ ဇီဝလုံခြုံမှုကလည်းကောင်းမွန်ရပါမယ်။

 

(၆) ငါးသားလောင်း၊ ငါးမှုန်၊ ငါးသန်များကို သယ်ပို့ထုပ်ပိုးရန်ပစ္စည်းများနဲ့ ထုပ်ပိုးရန်နေရာရှိရပါတယ်။

 

(၇) မျိုးငါးများ လုံလောက်စွာမွေးမြူထားရန် မြေကန် (သို့မဟုတ်) နိုင်လွန် ပိုက်သားလှောင်ကန် (ဟာပါ) လိုပါမယ်။

 

(၈) ငါးသားဖောက်ရန် ကန် (သို့မဟုတ်) လှောင်ကန် (ဟာပါ) လိုပါမယ်။

 

 

(၉) ငါးဥဖောက်ရန် လိုအပ်ချက်များနဲ့ ပြည့်စုံတဲ့ အင်္ဂတေကန် လိုပါမယ်။

 

 

(၁၀) ငါးမှုံပြုစုရန် မြေကန် ၊အင်္ဂတေကန် (သို့မဟုတ်) ဟာပါ လိုပါမယ်။

 

 

 

(၁၁) ငါးများကိုခေတ္တ ယာယီသိုလှောင်ထားရန်အင်္ဂတေကန် (သို့မဟုတ်) ဟာပါ စတဲ့ကန်တွေ လုံလုံ လောက်လောက် ရှိဖို့လည်း လိုအပ်ပါတယ်။

 

Ref: တီလားပီးယားငါးသားဖောက်ခြင်းနှင့် သားပေါက်အဖိုများ ထုတ်လုပ်ခြင်း လက်တွေ့သင်တန်း လက်စွဲစာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။