သားထိန်းဝက်မအကြောင်း သိကောင်းစရာ

သတ္တဝါတိုင်းအတွက် ကိုယ်လက်အင်္ဂါလှုပ်ရှားမှုမှာ မရှိမဖြစ်လိုအပ်သော အရာဖြစ်သည်။ လှုပ်ရှားမှုမရှိသော သတ္တဝါများသည် ချိနဲ့နုံချာသွားမှာ အသေအချာပါ။ ထို့ကြောင့် သားထိန်းဝက်မများမွေးထားပြီဆိုလျှင် ထိုကဲ့သို့မဖြစ်အောင် ထိန်းထားရပါမည်။

သားထိန်းဝက်မများ-

၁။ အညောင်းအညာပြေစေဖို့ မနက်(၁)ကြိမ်၊ ညနေ(၁)ကြိမ် ခြံထဲကလွှတ်ပြီး ကျောင်းပေးသင့်ပါသည်။

၂။ ဝက်တွေလူးဖို့အတွက် လူးကျင်းများလည်း ထားပေးသင့်ပါသည်။ သတိထားရမည်မှာ ဝက်လူးကျင်းများမှာ ပါရာဆိုက်များမရှိအောင် ဂရုစိုက်ရပါမည်။ ပါရာဆိုက်ဆိုသည်မှာ ကပ်ပါးကောင်များဖြစ်ပြီး အခြားသက်ရှိများကို မှီခိုကပ်တွယ်ပြီး အသက်ရှင်သော သတ္တဝါများဖြစ်ပါသည်။ ထို့ကြောင့် သားထိန်းဝက်မများမှာ ထိုကဲ့သို့ကပ်ပါးကောင်များ ကပ်တွယ်မလာစေရန် လူးကျင်းများကို သန့်ရှင်းအောင်ထားပေးဖို့ လိုပါသည်။

၃။ သားထိန်းဝက်မများအတွက် အစာကအရေးကြီးသဖြင့် သားပေါက်ပြီးစချိန်တွင် အားနည်းနေမှာပဲဆိုကာ အစာများများကျွေးရန် မသင့်ပါ။ သားပေါက်ပြီး (၅-၇)ရက်ထိ တဖြည်းဖြည်းနဲ့ နည်းနည်းစီတိုးပြီး ကျွေးရပါမည်။ လိုအပ်သောအစာပမာဏမှာ ဝက်မကြီးတစ်ကောင်အတွက် -(၀.၂၅)ပိဿာဖြစ်ပြီး ဝက်ကလေးတစ်ကောင်အတွက် - (၂၅)ကျပ်သားလောက် ပိုမို ထည့်ကျွေးသင့်ပါသည်။

သားထိန်းဝက်မများအတွက် အစာစပ်ရာတွင်

- အဆီများသော အစာ၊ အဆီလွန်ကဲစေမည့် အစာများကို ရှောင်ပါ။

- ဗီတာမင်ဓါတ်ပါသော ဟင်းသီးဟင်းရွက်စိမ်း၊ မြက်၊ ဝမ်းမချုပ်စေရန် ဖွဲနုကြမ်းနည်းနည်းထည့်ပြီး ရောစပ်ကျွေးပေးရပါမည်။

ထိုအချက်များကို ဂရုတစိုက်လုပ်ပေးမည်ဆိုလျှင် သားထိန်းဝက်မများ ရောဂါကင်းဝေးပြီး ကျန်းမာကြမည်ဖြစ်သည်။

ဦးဇော်(dof)

Ref; ဆရာကောင်းထက်၏ သားထိန်းဝက်မအကြောင်း စာစုမှ ကောက်နုတ်ဖော်ပြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ