ဗနီလာပူတင်း အချိုပွဲ

အားလုံးပဲ မင်္ဂလာပါ။ ထမင်းစားပြီးရင် အချိုတည်းလေ့ရှိသူများအတွက် ဗနီလာပူတင်း အချိုပွဲ ပြုလုပ်နည်းလေး ဝေမျှပေးချင်ပါတယ်။

ပါဝင်ပစ္စည်းများ

နွားနို့ ၅၀၀ မီလီလီတာ (စားပွဲတင်ဇွန်း ၃၂ မီလီလီတာ)

ပြောင်းမှုန့် စားပွဲတင်ဇွန်း ၂ ဇွန်း

သကြား ၄၃ ဂရမ် (စားပွဲတင်ဇွန်း ၅ ဇွန်း)

ဆား လက်ဖက်ရည်ဇွန်း ၈ ပုံ ၁ ပုံ

ကြက်ဥ ၁ လုံး

ထောပတ် စားပွဲတင်ဇွန်း ၂ ဇွန်း

ဗနီလာ စားပွဲတင်ဇွန်း ၁ ဇွန်း

ပြုလုပ်နည်း အဆင့်ဆင့်

၁။ ဒန်အိုးတစ်လုံးထဲတွင် နွားနို့ထည့်ပြီး အလယ်အလတ်မီးအပူချိန်ဖြင့် ပူစီဖောင်းလေးများ ဆူပွက်လာအောင် တည်ထားလိုက်ပါ။ အိုးမတူးဖို့ရန်အတွက် မကြာခဏ မွှေပေးဖို့လိုပါတယ်။

၂။ ပန်းကန်လုံးတစ်လုံးတွင် ပြောင်းမှုန့်၊ သကြားနှင့် ဆားတို့ထည့်ကာ သမအောင် မွှေလိုက်ပါ။ ရရှိလာတဲ့ ပြောင်းမှုန့် အရောအနှောကို နွားနို့အိုးထဲထည့်ကာ အရည်ပျော်သွားသည်အထိ အဆက်မပြတ်မွှေပေးလိုက်ပါ။

၃။ အခြားပန်းကန်လုံးတစ်လုံးတွင် ကြက်ဥ ၁ လုံး မွှေခလောက်ထားပါ။ ထိုကြက်ဥထဲသို့ နွားနို့ ပြောင်းမှုန့်အရောအနှော ယောင်းမဇွန်းကြီး ၂ ဇွန်းစာခန့်ထည့်ကာ သမအောင် မွှေလိုက်ပါ။

ရရှိလာတဲ့ ကြက်ဥ နွားနို့ရည်များကို နွားနို့အိုးထဲ လောင်းထည့်ကာ ၁ မိနစ်ခန့် ဆူပွက်လာအောင် တည်ပါ။ ထို့နောက် မီးဖိုပေါ်က ချလိုက်လို့ရပါပြီ။

၄။ နောက်တစ်ဆင့်အနေနဲ့ ထိုဒယ်အိုးထဲသို့ ထောပတ်နှင့် ဗနီလာများ လောင်းထည့်လိုက်ပါ။ ထောပတ်များ ပျော်ဝင်သွားသည်အထိ မွှေပေးလိုက်ပါ။

၅။ ရရှိလာတဲ့ မုန့်နှစ်များကို အချိုပန်းကန်လုံးထဲသို့ လောင်းထည့်ကာ ပလပ်စတစ်ဖြင့် လုံအောင် အုပ်ထားလိုက်ပါ။ ထို့နောက် ရေခဲသေတ္တာထဲတွင် မိနစ် ၂၀ ခန့် အေးခဲသွားသည်အထိ အအေးခံထားလိုက်ပါ။သတ်မှတ်ချိန်ပြည့်သွားတဲ့အခါမှာတော့ အရသာရှိတဲ့ ဗနီလာပူတင်း အချိုပွဲလေး ရရှိသွားပါပြီ။

Source: Jocooks.com

MyFood Myanmar Website မှ ပြန်လည်ကူးယူဖော်ပြပါသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ