တစ်ပတ်အတွင်း ပဲဈေးနှုန်းများနှင့် ရှေ့အလားအလာ (အိန္ဒိယအဝယ်သက်တမ်းတိုးပြီးနောက် မတ်ပဲဈေးများကျ)

ကုလားပဲ

ကုလားပဲကတော့ ဒီတစ်ပတ်မှာလည်း ဈေးအနည်းငယ်ထပ်ပြီးကျဆင်းပါတယ်။ ပဲလှိုင်နေပေမယ့် အဝင် နည်းနေလို့ ဈေးက အများကြီး ကျဆင်းသွားတာမျိုးမရှိဘူးလို့လည်းသိရပါတယ်။

မတ်ပဲ

မတ်ပဲ တင်ပို့ခွင့်ကာလကို အိန္ဒိယနိုင်ငံက တစ်နှစ်သက်တမ်းတိုးပေးလိုက်တဲ့အချိန်မှာ မတ်ပဲဈေးတွေ ပြန်ကျဆင်းသွားခဲ့ပါတယ်။ အိန္ဒိယနိုင်ငံကတော့ ပြည်တွင်းပဲ ဖူလုံဖို့နဲ့ ဈေးထိန်းချုပ်မှုတွေ ရှိအောင် အခုလို တင်ပို့ခွင့်ကာလကို တိုးပေးလိုက်တာဖြစ်တယ်လို့ ထုတ်ပြန်ထားပါတယ်။

မတ်ပဲဈေးက လက်တလောမှာ ဈေးတွေကျဆင်းနေပေမယ့် ငွေကြေးဈေးနှုန်းမြင့်မားမှုတွေကြောင့် အများကြီးကျဆင်းနိုင်ခြေမရှိဘူးလို့ ဧရာကုန်သွယ်မှုဗဟိုဌာနက သုံးသပ်ထားပါတယ်။

ပြည်တွင်းမှာတော့ ဈေးအမြင့်ပေးပြီး ဝယ်ယူသိုလှောင်မှုတွေကြောင့် လတ်တလော ကာလအတွင်း ပဲအရောင်းအဝယ် ပြုလုပ်မှုက လျော့နည်းသွားနိုင်ပြီး အတက်ဈေးကို စောင့်နိုင်ခြေရှိတယ်လို့ ကုန်သည် အချို့က သုံးသပ်ထားပါတယ်။ ဒါပေမယ့် တင်ပို့ခွင့်ကာလသက်တမ်းက တစ်နှစ်ဖြစ်တဲ့အတွက်ကြောင့် ပဲလှိုင်ချိန်မှာတော့ ယခုပေါက်ဈေးထပ်လျော့နည်းနိုင်ပေမယ့်လည်း မတ်ပဲ အထွက်နှုန်းကျဆင်းလို့ စောင့်ကြည့်ရမယ့်အခြေအနေလည်းဖြစ်ပါတယ်။

ပဲစင်းငုံနီ

ပဲစင်းငုံနီကတော့ ပြီးခဲ့တဲ့အပတ်နဲ့ယှဉ်ရင်တစ်ပတ်အတွင်းဈေးတွေ တက်လာပေမယ့် အိန္ဒိယတင်ပို့မှုသက်တမ်း တစ်နှစ်တိုးပေးလိုက်ပြီးတဲ့အချိန်မှာတော့ မတ်ပဲနည်းတူဈေးက အနည်းငယ်ကျဆင်းသွားခဲ့ပါတယ်။ လက်ရှိပဲ တင်ပို့ရောင်းချမှုတွေနဲ့ပတ်သက်ပြီး အနည်းငယ်အေးသွားတဲ့အခြေအနေလည်းဖြစ်ပါတယ်။

ပဲစင်းငုံနီကတော့ပြည်တွင်းလက်ကျန်ကလည်းအများကြီးမရှိတဲ့အပြင် အိန္ဒိယကလည်း ပဲစင်းငုံနီထွက်ရှိမှုက လျော့နည်းမှာဖြစ်တယ်လို့ ထုတ်ပြန်ထားတဲ့အတွက် ပဲစင်းငုံနီကတော့ ယခင်သုံးသပ်မှုများအတိုင်း ဈေးအများကြီး ကျဆင်းသွားတာမျိုးမရှိနိုင်ပါဘူး။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ