မြန်မာနိုင်ငံရဲ့ စိုက်ပျိုးရေးလုပ်ငန်းဆိုင်ရာ နိုင်ငံတကာကုန်စည်ပြပွဲ ကျင်းပသွားမည်

(၆)ကြိမ်မြောက်မြန်မာနိုင်ငံရဲ့ စိုက်ပျိုးရေးလုပ်ငန်းဆိုင်ရာ နိုင်ငံတကာကုန်စည်ပြပွဲကို စက်တင်ဘာလ (၂၆) ရက်နေ့မှ (၂၈)ရက်နေ့ထိ ကျင်းပပြုလုပ်သွားမှာဖြစ်ကြောင်း သိရပါတယ်။ စိုက်ပျိုးရေးလုပ်ကိုင်နေကြတဲ့ ပြည်ပနိုင်ငံများနဲ့ ချိတ်ဆက်စေနိုင်ဖို့အတွက် ကျင်းပတာဖြစ်တယ်လို့ ပွဲစီစဉ်သူ ဦးဘုန်းမြတ်ကပြောပါတယ်။

“ စိုက်ပျိုးရေးလုပ်ကိုင်နေကြတဲ့ ပြည်တွင်းကလုပ်ငန်းရှင်များနဲ့ ပြည်ပကလုပ်ငန်းရှင်များချိတ်ဆက် စေနိုင်ဖို့အတွက် (၆)ကြိမ်မြောက်ကျင်းပပြုလုပ်ရတာဖြစ်ပါတယ်။ အီတလီ ၊ဂျပန် ၊ တူရကီ ၊ ကိုရီးယား ၊ မလေးရှားတရုတ်စတဲ့ နိုင်ငံတွေကလည်း ပြသသွားမှာပါ” အဆိုပါကုန်စည်ပြပွဲကို ရို့စ်ဂါးဒင်းဟိုတယ်မှာ နံနက်(၉)နာရီမှ ညနေ(၅)နာရီအထိ ပြုလုပ်ကျင်းပသွား မှာဖြစ်ကြောင်း သိရပါတယ်။

(၆)ကြိမ်မြောက်မြန်မာနိုင်ငံရဲ့ စိုက်ပျိုးရေးလုပ်ငန်းဆိုင်ရာ နိုင်ငံတကာကုန်စည်ပြပွဲမှာ စိုက်ပျိုးရေးပညာရှင်များနဲ့ စက်မှုလုပ်ငန်းကျွမ်းကျင်သူများမှ မြန်မာ့စိုက်ပျိုးရေးနဲ့ပတ်သတ်တဲ့ စက်မှုလုပ်ငန်းများနဲ့နည်း ပညာများအကြောင်းကို တိုက်ရိုက်ဆွေးနွေးပေးသွားမှာဖြစ်ကြောင်းသိရပါတယ်။

ယမင်းအေး(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ