ဒေါ်လာဈေးကျဆင်းသည့်အတွက် ပြောင်းဈေးနှုန်းအနည်းငယ်လျော့ကျ

ဒေါ်လာဈေးနှုန်းများ ကျဆင်းလာသည့်အတွက် ပြောင်းဈေးနှုန်းလည်း အနည်းငယ်လျော့ကျလာကြောင်း မြန်မာ့ပြောင်းဈေးကွက်အတွင်းမှ သိရသည်။

ပြောင်းဈေးက ကျတာတော့မဟုတ်ပေမယ့် ဒေါ်လာဈေးက တအားထိုးတက်နေရာကနေ အခုဆိုရင် တစ်ဒေါ်လာကို မြန်မာငွေကျပ် ၁၉၀၀ ဝန်းကျင်ကို ပြန်ရောက်သွားလို့ ဒေါ်လာပေါက်ဈေးကျလာတဲ့အတိုင်း ပြောင်းဈေးကိုလည်း နည်းသွားသလိုဖြစ်ရတာပါ။ မနှစ်ကဈေးနဲ့ယှဥ်ရင်တော့ အခုဈေးက လုံးဝအကျဘက်မရောက်သေးပါဘူး။

ဟု မြန်မာနိုင်ငံပြောင်းလုပ်ငန်းအသင်း၏ဥက္ကဋ္ဌ ဦးမင်းခိုင်က ပြောသည်။

ယခုလက်ရှိကာလသည် ဆောင်းပြောင်းစိုက်ပျိုးသည့်ရာသီ /မိုးပြောင်းရိတ်သိမ်းသည့် ရာသီဖြစ်ပြီး၊ လက်ရှိတွင် ပြောင်းတစ်ပိဿာလျှင် ၆၄၀ ကျပ်ဝန်းကျင် ပေါက်ဈေးရှိနေသည်။

ဒီနှစ်အနေနဲ့က ဒေါ်လာဈေးတွေမြင့်တက်ခဲ့တော့ တစ်ပိဿာကို ၈၀၀ ကျပ်ဝန်းကျင်လောက်အထိကို ဈေးကတက်သွားသေးတော့ အခုကျ ဈေးကျသလိုမျိုးဖြစ်သွားတာပါ။ တကယ်တော့ နိုင်ငံတကာပြောင်းပေါက်ဈေးအရ ပြောင်းတစ်တန်ကို ဒေါ်လာ ၂၅၀ က ၂၅၀ မှာပဲ ရှိပါတယ်။ မြန်မာငွေနဲ့တွက်လိုက်မှသာ အတက်အကျ ဖြစ်ပေါ်သွားရတာပါ။

ဟု ဦးမင်းခိုင်က ဆက်လက်ပြောသည်။

မြန်မာနိုင်ငံတွင် အစေ့ထုတ်ပြောင်း (တိရစ္ဆာန်အစာအဖြစ် အသုံးပြုသည့် ပြောင်း) ကို စိုက်ပျိုးမြေဧက (၁၂) သိန်းခန့် နှစ်စဉ်စိုက်ပျိုးနေပြီး၊ စုစုပေါင်းထုတ်လုပ်မှုမှာ မက်ထရစ်တန် (၂၃)သိန်းမှ (၂၇) သိန်းဝန်းကျင်ရှိသည်။ စိုက်ပျိုးထုတ်လုပ်မှုအနေဖြင့် မိုးပြောင်း ၇၈ %, ဆောင်းပြောင်း ၁၇ % နှင့် နွေ ရေသွင်းပြောင်း ၅ % ခန့် ရှိသည်။

မိုးပြောင်းကို ကချင်ပြည်နယ်၊ ကရင်ပြည်နယ်၊ ကယားပြည်နယ်၊ ရှမ်းပြည်နယ်နှင့် စစ်ကိုင်းတိုင်းတို့တွင် နှစ်စဉ် မေလ၊ ဇွန်လ၊ ဇူလိုင်နှင့် ဩဂုတ်လများတွင် စတင်စိုက်ပျိုးထုတ်လုပ်ပြီး၊ အောက်တိုဘာ၊ နိုဝင်ဘာ၊ ဒီဇင်ဘာနှင့် ဇန်နဝါရီလများတွင် ရိတ်သိမ်းခြွေလှေ့ကြသည်။ ဆောင်းပြောင်းကို မန္တလေးတိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ စစ်ကိုင်းတိုင်းနှင့် ကချင်ပြည်နယ်တို့တွင် နှစ်စဉ် အောက်တိုဘာ၊ နိုဝင်ဘာ၊ ဒီဇင်ဘာလတို့တွင် စတင်စိုက်ပျိုးပြီး၊ ဖေဖော်ဝါရီ၊ မတ်၊ ဧပြီ၊ မေလများတွင် ရိတ်သိမ်းကြသည်။

နွေရေသွင်းပြောင်းများကိုမူ မြင်းခြံ၊ ပခုက္ကူ၊ သီပေါ၊ နောင်ချို၊ ကျောက်မဲ၊ ဆီဆိုင်၊ လွိုင်ကော်၊ နေပြည်တော်၊ ပျဉ်းမနား၊ ရေနီ စသည့် ဒေသများတွင် မတ်လ၊ ဧပြီလတို့၌ စိုက်ပျိုးကြပြီး၊ ဩဂုတ်လ၊ စက်တင်ဘာလတို့တွင် ရိတ်သိမ်းခြွေလှေ့ကြသည်။ ၂၀၁၉-၂၀၂၀ ဘဏ္ဍာနှစ် စာရင်းအရ အစေ့ထုတ်ပြောင်း Export တင်ပို့မှု ၂.၂သန်း အထိ တင်ပို့နိုင်ခဲ့သည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ