မုံရွာခရိုင်အတွင်းမှ လျှော်ဖြူစိုက်တောင်သူများစုပေါင်းကာ ကိုဗစ်-19 ရောဂါကာကွယ်ဆေး ထိုးနှံခဲ့

စစ်ကိုင်းတိုင်းဒေသကြီး လျှော်ဖြူစိုက်ပျိုးထုပ်လုပ် တင်ပို့ရောင်းချသူများအသင်းမှ ဦးဆောင်၍ မုံရွာခရိုင်အတွင်းမှ လျှော်ဖြူစိုက်ပျိုးထုတ်လုပ်သည့်တောင်သူများ စုပေါင်းကာ ကိုဗစ်-19 ရောဂါကာကွယ်ဆေး ထိုးနှံခဲ့ကြောင်း သိရသည်။

မုံရွာခရိုင်အတွင်းမှာရှိတဲ့ လျှော်ဖြူစိုက်တောင်သူတွေစုစည်းပြီး ကိုဗစ်ရောဂါ ကာကွယ်ဆေး ထိုးနှံခဲ့ကြတာပါ။ မုံရွာမြို့အပြင်၊ ဘုတလင်ကလည်း ဆေးလာထိုးတယ်။ အရာတော်ကလည်း ဆေးလာထိုးတယ်။ ဆေးကိုတော့ မုံရွာမြို့၊ ပြည်သူ့အားကစားဝင်းကြီးထဲမှာ ထိုးပေးနေတာပါ။ လျှော်ဖြူသီးနှံဆိုတာကလည်း နိုင်ငံခြားဝင်ငွေရှာဖွေပေးနေတဲ့ သီးနှံတစ်ခုပဲလေ။ ကျွန်တော်တို့ကလည်း နိုင်ငံတော်ရဲ့ကုန်ထုတ်စွမ်းအားတစ်ခုပဲလေ။ တခြားအသင်းအဖွဲ့တွေလည်း အသင်းအဖွဲ့ အမှန်တကယ်ဖြစ်ပြီး တကယ်လည်းထိုးချင်တယ်ဆိုရင် အခုလို စုပေါင်းစာတင်တဲ့အခါ ဆေးထိုးခွင့်ကျလာမှာပါ။ ထိုးပြီးတော့လည်း စိတ်သက်သာရာရတာပေါ့။

ဟု စစ်ကိုင်းတိုင်းဒေသကြီး၊ လျှော်ဖြူစိုက်ပျိုးထုပ်လုပ်တင်ပို့ရောင်းချသူများအသင်း၏ ဥက္ကဌ ဦးဇော်မင်းက ပြောသည်။

သက်ဆိုင်ရာ တိုင်းဒေသကြီးအစိုးရအဖွဲ့နှင့် သက်ဆိုင်ရာ မြို့နယ်အုပ်ချုပ်ရေးဦးစီးဌာနတို့ထံ စာတင်ပြပြီးနောက်၊ ခွင့်ပြုမိန့်ကျလာသည့်အခါ စိတ်ပါဝင်စားသည့်တောင်သူများ ချိတ်ဆက်စုစည်း၍ သွားရောက်ထိုးနှံခဲ့ခြင်း ဖြစ်သည်။

ကနဦးအနေနဲ့ တိုင်းအစိုးရရော၊ မြို့နယ်အုပ်ချုပ်ရေးကိုရော နှစ်နေရာစလုံးဆီကို သေချာစာတင်တယ်။ ခွင့်ပြုချက်ရမှ ထိုးနှံခဲ့တာပါ။ အသင်းသူ အသင်းသားတွေကိုတော့ အပြင်မှာမစုစည်းဘဲ ဖုန်းနဲ့ ဆက်သွယ်စာရင်းကောက်ခံခဲ့ပါတယ်။ ပြီးတော့မှ အားကစားကွင်းမှာဆုံတွေ့ပြီး ကာကွယ်ဆေးထိုးကြတာပါ။ တချို့ကလည်း ဆေးထိုးရမှာကြောက်တယ်။ အဲ့ဒီအတွက် တကယ်ထိုးချင်တဲ့လူတွေကိုပဲ စာရင်းပေးဖို့ ကြိုတင်အသိပေးခဲ့ပါတယ်။ အသင်းရဲ့အလုပ်အမှုဆောင်တွေနဲ့ လက်ရှိ အသင်းမှာ တက်ကြွလှုပ်ရှားနေတဲ့တောင်သူတွေ ထိုးနှံခဲ့ကြပါတယ်။ ဆေးထိုးတဲ့အတွက် ကုန်ကျစရိတ်မပေးရပါဘူး။ အခမဲ့ ထိုးခဲ့ကြတာပါ။

ဟု ဦးဇော်မင်းက ဆက်လက်ပြောသည်။

အဆိုပါ လျှော်ဖြူတောင်သူများ၏ စုပေါင်းကာကွယ်ဆေးထိုးနှံခြင်း အစီအစဉ်ကို ၂၀၂၁ ခုနှစ်၊ ဩဂုတ်လ (၈) ရက်က အကောင်အထည်ဖော်ခဲ့ပြီး၊ လျှော်ဖြူစိုက်ပျိုးထုတ်လုပ်သူ စုစုပေါင်း (၃၀) ဦးဝန်းကျင် ပါဝင်ထိုးနှံခဲ့ကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ