အပင်မျိုးသစ်သီးနှံ (၁၇) မျိုးလျှောက်ထား

အပင်မျိုးသစ် သီးနှံမျိုးပေါင်း (၁၇)မျိုးကို လက်မှတ်ရရှိရေးအတွက် လျှောက်ထားလျက်ရှိ ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

အပင်မျိုးသစ်ကာကွယ်ရေးဥပဒေ အတည်ပြုပြီးပါက သီးနှံ(၁၇)မျိုးကို စစ်ဆေးသွားမှာဖြစ်တယ်လို့ စိုက်ပျိုးရေး သုတေသနဦးစီးဌာနမှ ညွှန်ကြားရေးမှူးချုပ် ဦးနိုင်ကြည်ဝင်းက ပြောပါတယ်။

“လျှောက်ထားတဲ့ အပင်မျိုးသစ်တွေကရှိတယ်။ စစ်ပေးလို့ရပေမယ့် ဥပဒေအတည်ပြုပြီးမှသာ လုပ်ဆောင်သွားမှာဖြစ်ပါတယ်။ ပြည်ထောင်စုလွှတ်တော်မှာ အတည်ပြုဆုံးဖြတ်ပြီးသွားရင်တော့ လျှောက်ထားတဲ့ အပင်မျိုးသစ်တွေကို စစ်ဆေးပေးသွားမှာပါ”

မျိုးသစ်အသိအမှတ်ပြုလက်မှတ် ရရှိရေးအတွက် လျှောက်ထားတဲ့ သီးနှံမျိုးများမှာ ပီလောပီနံ၊ စပါး၊ ပြောင်းချို၊ ငရုတ်၊ ဝါ၊ အစေ့စားနေကြာ၊ ဟင်းစားပဲပုပ်၊ ပဲနီ၊ ကြက်သွန်နီ၊ ကြက်ဟင်းခါး၊ ခရမ်း၊ နံနံ၊ မုန်လာဥနီ၊ မုန်လာရွက်၊ ရုံးပတီ၊ ခဝဲ၊ သခွား၊ ဖရုံသခွား၊ သကြားမုန်လာ၊ သင်္ဘော၊ အာလူး၊ တစ်သျှူးဌက်ပျော၊ ကြံ၊ စတီဗီယာရွက်၊ ဘူးသီး၊ စပါးမိဘလိုင်း၊ အစေ့ထုတ်ပြောင်းမိဘလိုင်း၊ ခရမ်းချဉ်မိဘလိုင်း၊ သခွားမိဘလိုင်း၊ ဖရဲမိဘလိုင်း၊ ကြက်ဟင်းခါးမိဘလိုင်း၊ ပဲတောင့်ရှည်မိဘလိုင်း၊ ရွှေဖရုံမိဘလိုင်းနဲ့ ရုံးပတီမိဘလိုင်း တို့ကို လျှောက်ထားကြောင်း အဆိုပါဌာနမှသိရပါတယ်။

အပင်မျိုးသစ်ဥပဒေ အတည်ပြုထွက်ရှိနိုင်ရေးအတွက် မကြာခင်မှာ လွှတ်တော်မှာ အတည်ပြုဆုံးဖြတ်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ