ပြည်တွင်းပန်းဈေးကွက်ကောင်းမွန်သည့်အလျှောက် စိုက်ပျိုးမည့်သူများပြားလာပြီး ပန်းမျိုးရှားပါးနေ

ပြည်တွင်း၌ ပန်းဈေးကွက်ကောင်းမွန်သည့်အလျှောက် စိုက်ပျိုးမည့်သူများပြားပြီး ပန်းမျိုးရှားပါးနေကြောင်း ဘုရားပန်းစိုက်ပျိုးသူများထံမှ သိရသည်။

"လက်ရှိပန်းဈေးကွက်က ဈေးကောင်းရနေတော့ ပန်းမစိုက်တဲ့သူတွေကလည်း ပန်းစိုက်ဖို့ပြင်လာကြတယ်။ စိုက်နေကြသူတွေလည်း အားတက်လာကြတယ်။ ဒီလိုဆိုပေမယ့် ပန်းမျိုးက ဝယ်ရခက်နေပြန်တယ်။ ဇလွန်ဘက်က ပန်းမျိုးရောင်းတဲ့ဒိုင်ဆီ ချိတ်ဆက်ပြီး ပန်းမျိုးမှာတာ သုံးခါတိတိ ရမယ်သေချာပြီပြောပြီး ကုန်သွားပြီ၊ မရသေးဘူးနဲ့ ဖြစ်နေတယ်။ ဒီလိုနဲ့ ပြင်ဦးလွင်က ပန်းဒိုင်တွေဆီ ထပ်ချိတ်ဆက်ရတယ်။ ဒါတောင် ကိုယ်နဂိုက စိုက်မယ်လုပ်ထားတဲ့ ပန်းမျိုးအတိုင်း မရဘူး။ ရတဲ့အထဲက သုံးမျိုးကိုပဲ ဝယ်ထားလိုက်ရပါတယ်။"

ဟု ဧရာဝတီတိုင်းဒေသကြီး၊ ညောင်တုန်းမြို့မှ ပန်းစိုက်တောင်သူ ကိုမင်းလွင်က ပြောသည်။

ယခုနှစ် မိုးရာသီတွင် မိုးများခဲ့သည့်အတွက် ပန်းခြံများအသေအပျောက် ပျက်စီးမှုများခဲ့သည့်အပြင် ပန်းမျိုးကောင်းမျိုးသန့် ထုတ်လုပ်သူများအနေဖြင့်လည်း ပန်းမျိုးထုတ်လုပ်မှု အနည်းနှင့်အများဆိုသလို အားနည်းခဲ့ရသည်။

"အဓိက ဈေးကောင်းရနေတဲ့အကြောင်းက ဒီနှစ်မိုးများလို့ ပန်းအထွက်နှုန်းနည်းတာကြောင့်အပြင်၊ တရုတ်နိုင်ငံဘက်က အဝင်အထွက်တင်းကြပ်ထားတဲ့အတွက်ကြောင့် တရုတ်ပန်းတွေလည်း အရင်လို ပေါပေါသီသီ တင်သွင်းလို့မရတာကြောင့်ပါ။ ဈေးကွက်ထဲမှာ တရုတ်ပန်းတွေ သိပ်မတွေ့ရတော့ဘူး။ ဒါ့ကြောင့် ကိုယ့်ပြည်တွင်းက ပန်းစိုက်တောင်သူတွေအတွက် ဈေးကွက်အခွင့်အလမ်းတွေ ပေါ်လာတာတော့ ဝမ်းသာစရာပါပဲ။"

ဟု ကိုမင်းလွင်က ဆက်လက်ပြောသည်။

ယခင်နှစ်က လက်ကားဈေး ၃၀၀၀ ကျပ်မှ ၃၅၀၀ ကျပ် တန်ဖိုးရှိသည့် မေမြို့အက်စတာပန်း အရိုင်းစည်းတစ်စည်းလျှင် ယခုအခါ ကျပ် ၅၀၀၀ မှ ကျပ် ၆၀၀၀၊ ရွှေဝါဝင်းပန်း ၁၀ ပင်စည်း တစ်စည်းလျှင် ယခင်နှစ်က ၁၅၀၀ ကျပ်၊ ယခုအခါ ၂၃၀၀ ကျပ်အထိ ဘုရားပန်းဈေးနှုန်းများ ၂ ဆ မြင့်တက်နေသည်။

ဆောင်ပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ