ငှက်ပျောယို

အစိမ်းရောင်လမ်းရဲ့ တန်ဖိုးမြှင့်ထုတ်ကုန်ဆိုတဲ့ ကဏ္ဍမှာလည်း သစ်သီးတွေကနေ ယိုလုပ်နည်းများစွာကို တင်ထားပြီးပါပြီ။ အိမ်မှာပဲအလွယ်တကူလုပ်နိုင်တဲ့ နည်းလမ်းလေးတွေကို လေ့လာရတော့ ဘယ်လောက်ကောင်းလဲနော်။ ဒါကြောင့် ငှက်ပျောယို လုပ်နည်းကိုလည်း မျှဝေချင်ပါတယ်။

ငှက်ပျောသီးတွေ ဝယ်ထားပြီး ပြဲသွားလို့ မစားဖြစ်တဲ့အခါမျိုးတွေ၊ သပ်သပ်ပဲ ငှက်ပျောယိုလုပ်စားချင်တဲ့အခါတွေမှာ လွယ်ကူလျင်မြန်တဲ့ ငှက်ပျောယိုလုပ်နည်းကိုမျှဝေသွားပါမယ်။

ပါဝင်ပစ္စည်းများ

ငှက်ပျောသီး ၈ လုံး

သကြားဖြူ ၃ ကျပ်သား

သကြားညို ဟင်းစားဇွန်း ၂ ဇွန်း

သံပုရာသီး ၂ လုံး

ပျားရည် ဟင်းစားဇွန်း ၁ ဇွန်း

ငှက်ပျောဆီ ဟင်းစားဇွန်း ၁ ဇွန်း

ဆား လက်ဖက်ရည်ဇွန်း ၁ ဇွန်း

ရေ သောက်ရေခွက်တစ်ဝက်

ပထမဆုံး

ငှက်ပျောသီးအမှည့်ပြဲ ဆိုရင် ခက်ရင်းနဲ့ ချေထားပါ။ ငှက်ပျောသီးအမာဆိုရင်တော့ ပါးပါးလေးလှီးထားပါ။

လှီးထားသော ငှက်ပျောသီးထဲကို သံပုရာရည်ထည့် နှံ့အောင်မွှေပြီး ၁၀ မိနစ်လောက်နှပ်ထားပါ။

ဒုတိယအဆင့်အနေနဲ့

ကျိုမယ့်အိုးထဲကို ရေ၊ သကြား အဖြူ/ အညို၊ ဆား ထည့်ပြီးမွှေပါ။ နှံ့သွားပြီဆိုရင် နှပ်ထားတဲ့ ငှက်ပျောသီးတွေကို ထည့်မွှေပါ။

ငှက်ပျောသီးတွေကြေပြီး ပွက်သည်နှင့် ပျားရည်ထည့် အနည်းငယ်မွှေပေးပြီး မီးပိတ်လိုက်ပါ။ ဒီနေရာမှာ ကိုယ်လိုချင်တဲ့ အပျစ် အနေအထားအလိုက် မီးအသင့်အတင့် နဲ့ပဲရအောင်တည်ပေးဖို့တော့လိုပါမယ်။ နောက် မီးပိတ်ပြီး ငှက်ပျောဆီ ထည့်မွှေပြီး အအေးခံပါ။ (ငှက်ပျောဆီက မထည့်ချင်လည်းရပါတယ်)

အအေးခံပြီးသည်နှင့် ကိုယ်ကြိုက်နှစ်သက်ရာ ဗူးတစ်ခုထဲထည့်ပြီး အသင့်စားသုံးနိုင်ပါပြီ။

လွယ်ကူတဲ့နည်းလမ်းလေးတွေနဲ့ ယိုထိုးနည်းများကို အိမ်မှာနေရင်းမပျင်းရလေပဲ ပညာတစ်ခုလည်းတိုးအောင် လုပ်နိုင်ပြီး စိတ်ချမ်းသာစွာနဲ့ ကျန်းကျန်းမာမာနေနိုင်ဖို့ ဆုမွန်ကောင်းတောင်းလိုက်ရပါတယ်ရှင်။

Ref; https://www.youtube.com/watch?v=VlLfDlGpJD8

ကျော့နန္ဒာစိုး

ယခု ငှက်ပျောယိုဆောင်းပါးကို KMSS အဖွဲ့မှ ကူညီပံ့ပိုးထားပါသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ