ဇွန်လမှစတင်၍ ကွမ်းဈေး အတက်ဘက်သို့ ဦးတည်လာ

ဇွန်လမှစတင်၍ ကွမ်းဈေးများ အတက်ဘက်သို့ ဦးတည်လာကြောင်း တောင်သူများက ပြောသည်။

မြန်မာပြည်အထက်ပိုင်းမှာ ကွမ်းဈေးက စတက်နေပါပြီ။ သီရိမင်္ဂလာစျေးကို အဓိက တင်ပို့နေတဲ့ ဧရာဝတီတိုင်း ကွမ်းဈေးကတော့ မတက်မကျ အနေအထား ဖြစ်နေပါပြီ။ သီရိမင်္ဂလာစျေးကို အခုလတ်တလော ကွမ်းကောင်းတွေ ဝင်နေတုန်းမို့ မတက်မကျ ဖြစ်နေတာပါ။ ဈေးကျဖို့တော့ မရှိတော့ပါဘူး။ ဈေး ဆက်တက်ဖို့ပဲ ရှိပါတော့တယ်။

ဟု ဧရာဝတီတိုင်း၊ ပုသိမ်ခရိုင်၊ ကျောင်းကုန်းမြို့နယ်၊ သစ်ဆိမ့်ကုန်းအုပ်စု၊ မှော်သေးကျေးရွာ မှ ကွမ်းစိုက်တောင်သူ ကိုထွန်းထွန်း က ပြောသည်။

ကွမ်း စျေးကောင်းရရှိစေရန် မတ်လ၊ မေလ၊ ဇူလိုင်လနှင့် အောက်တိုဘာလ များတွင် စိုက်ပျိုးကြပြီး၊ မြန်မာပြည်အထက်ပိုင်းတွင် ကွမ်းနုဝါ၊ မြန်မာပြည်အောက်ပိုင်းတွင် ရိုးညို၊ ထိုင်ဝမ် (အများအခေါ်) ကွမ်စိမ်းများကို အများဆုံးစိုက်ပျိုးကြသည်။

မြန်မာပြည်အောက်ပိုင်း ကွမ်းဈေးကတော့ မိုးများလေလေ၊ ရေတက်လေလေ၊ ရာသီဉတု ပိုဆိုးလေလေ၊ ကွမ်းဈေးက တက်လေလေ ပါဘဲ။ ကျွန်တော်တို့ဆီကထွက်တဲ့ ကွမ်းကို ရောင်းချတဲ့အခါ ပယ်ကြီး၊ ရှယ်(ဆိုဒ်မှန်)၊ အလတ်၊ အကျ ဆိုပြီး အမျိုးအစား ၄ မျိုး လောက် ခွဲခြားပါတယ်။

ဟု ကိုထွန်းထွန်း က ဆက်လက်ပြောသည်။

လက်ရှိတွင် ကွမ်းတစ်ပိဿာလျှင် ကျပ် ၇၀၀၀ မှ ကျပ် ၈၅၀၀ အတွင်း ဈေးနှုန်းများဖြင့် ရောင်းဝယ်ဖောက်ကားနေပြီး ဇူလိုင်လ၊ သြဂုတ်လများတွင် ကွမ်းဈေးများ ပိုမို မြင့်တက်လာနိုင်ကြောင်း ရန်ကုန်၊ သီရိမင်္ဂလာစျေး ဈေးကွက်မှ သိရသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ