ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ

ကွမ်းသီးစိုက်ပျိုးရာတွင် မိမိဒေသ ရေ မြေ ရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြကြောင်း တနင်္သာရီတိုင်းဒေသကြီးရှိ ကွမ်းသီးပင် စိုက်ပျိုးသူများထံမှ သိရသည်။

"ကျွန်တော်က ကွမ်းသီးပင်ရေ တစ်သောင်း စိုက်ပျိုးထားပါတယ်။ ကွမ်းသီးပင်တွေကို ခါတော်မီ စိုက်ပျိုးနည်းနဲ့ အဓိကစိုက်ပျိုးထားပါတယ်။ ခါတော်မီစိုက်ပျိုးတယ်ဆိုတာက တောခုတ်တဲ့အချိန်ဆို တောခုတ်ပေးတယ်။ မိုးဦးမှာ တစ်နှစ်ကို တစ်ကြိမ်လောက်တော့ အစာကျွေးပေးတယ်။ ရေကတော့ သဘာဝအတိုင်းပဲထားတယ် ရေမပေးနိုင်ဘူး။ ကိုယ့်မှာရှိတဲ့မြေလေးနဲ့ သင့်တော်တဲ့ပင်ကြားတန်းကြားကို ထားတယ်။ စိုက်ပျိုးမယ့်တောင်သူက ကိုယ်စိုက်မယ့်ဒေသနဲ့ရာသီဥတုအပေါ် ချိန်ဆပြီး ကိုယ်ကဘယ်စိုက်ပျိုးနည်းနဲ့ သင့်တော်မလဲဆိုတာကို ချင့်ချိန်စိုက်ပျိုးရပါတယ်။"

ဟု တနင်္သာရီတိုင်းဒေသကြီး ထားဝယ်ခရိုင် သရက်ချောင်းမြို့နယ်မှ ကွမ်းသီးပင် စီးပွားဖြစ်စိုက်ပျိုးသူ ကိုအောင်ကျော်မျိုးက ပြောသည်။

ကွမ်းသီးပင် စိုက်ပျိုးကြရာတွင် မိရိုးဖလာစိုက်ပျိုးနည်း၊ ခါတော်မီ စိုက်ပျိုးနည်း၊ စံချိန်မီ စိုက်ပျိုးနည်း ဟူ၍ စိုက်ပျိုးနည်း (၃) မျိုးဖြင့် အများအားဖြင့် စိုက်ပျိုးလေ့ရှိကြောင်း ကိုယ်တိုင်စိုက်ပျိုးနေသူများထံမှ သိရသည်။

"ပင်ကြားတန်းကြားကိုလည်း ကိုယ့်မှာရှိတဲ့မြေအကျယ်အဝန်း ခြံရဲ့ဖွဲ့စည်းပုံတွေကိုမူတည်ပြီးပဲ ထားရပါတယ်။ ပုံမှန်အားဖြင့်ဆိုရင်တော့ မြေပြန့်တွေဆိုရင် ၁၀ ပေပတ်လည် ထားရတယ်။ တောင်မြေဆိုရင်တော့ အတိအကျမဟုတ်ဘဲ နည်းနည်းလျှော့ထားတာမျိုးလည်း ရှိတယ်။ တစ်ချို့လည်း တြိဂံပုံစံစိုက်ကြပါတယ်။ သို့သော် အပင်ရေအများကြီးနဲ့ ဖြစ်သွားရင်တော့ အတိအကျတွက်ချက်လို့တော့ မရတော့ဘူးပေါ့။ ကွမ်းသီးပင်က မြေရှိရင်စိုက်လို့ရပေမယ့် ဒေသတိုင်းမှာ အထွက်နှုန်းကောင်းတာမဟုတ်ပါဘူး။ တနင်္သာရီတိုင်းမှာတော့ အဓိကစိုက်ပျိုးဖြစ်ထွန်းတယ်။ ပြီးတော့ ရခိုင်ရိုးမတစ်ဝိုက်နဲ့ ဧရာဝတီတိုင်းဘက်တွေမှာ ဖြစ်ထွန်းမှုရှိပါတယ်။"

ဟု ကိုအောင်ကျော်မျိုးက ဆက်လက် ပြောသည်။

ကွမ်းသီးပင်သည် သဲဆန်သောမြေကို မနှစ်သက်ဘဲ သမပိုင်းရာသီဥတုတွင် ပိုမိုဖြစ်ထွန်းအောင်မြင်သည့် နှစ်ရှည်အပင်တစ်မျိုးဖြစ်ကြောင်း သိရှိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ