ကွမ်းရွက်စျေးနှုန်းများ အတက်ဘက်သို့ ဦးတည်မှုမရှိသေး

ရန်ကန်၊ သီရိမင်္ဂလာစျေး စျေးကွက်သို့ တင်ပို့ရောင်းချနေသည့် ကွမ်းရွက်စျေးနှုန်းများ အတက်ဘက်သို့ ဦးတည်မှုမရှိသေးကြောင်း တောင်သူများထံမှ သိရသည်။

ကွမ်းဈေးကတော့ လုံးဝကို မတက်သေးပါဘူး။ ကွမ်းခြံ သစ်ပင်ပျိုအချောမှ တစ်ပိဿာကို ၃၅၀၀ ကျပ်လောက်ပဲ စျေးရှိတယ်။ ကွမ်းခြံဟောင်း ငြမ်းတိုက်ကွမ်းဆို တစ်ပိဿာကို ၂၅၀၀/၂၀၀၀ ကျပ်လောက်ပဲ ရနေပါသေးတယ်။

ဟု ဧရာဝတီတိုင်း၊ ညောင်တုန်းမြို့နယ်၊ စက္ကော့ကျေးရွာမှ ကွမ်းစိုက်တောင်သူ ကိုမင်းလွင်က ပြောသည်။

ပြည်တွင်း၌ ကွမ်းစားသုံးမှု လျော့နည်းလာခြင်း မရှိသော်လည်း လမ်းပန်းဆက်သွယ်မှု အားနည်းနေခြင်းကြောင့် ကွမ်းစျေးမတက်ခြင်းဖြစ်ကြောင်း တောင်သူများက ပြောသည်။

လိုင်းကားတွေဖွင့်လို့ ဆိုင်တွေပြန်ဖွင့်ရင်တော့ တက်နိုင်မယ်ထင်တယ်။ စားသုံးမှုကတော့ မနည်းသွားပါဘူး။ ကန့်သတ်နယ်မြေတွေနဲ့ အသွားအလာသိပ်မရှိလို့ စျေးသိပ်မတက်တာလို့ ထင်တယ်။ ကျွန်တော်တို့ ညောင်တုန်းက ကွမ်းတွေကို အဓိကက ရန်ကုန်၊ သီရိမင်္ဂလာစျေး ဈေးကွက်ကို တင်ပို့နေတာပေါ့။ ဒေသတွင်းဈေးကွက်မရှိဘူး။ ကွမ်းယာဆိုင်တွေလောက်ပဲ အနည်းအကျဉ်း ရှိတာ။ ကွမ်းဝယ်သူထက် ကွမ်းစိုက်တဲ့ခြံတွေက ပိုများတယ်လေ။ ရန်ကုန်ဈေးကွက်ကို အားကိုးပြီး စိုက်နေရတာပါ။

ဟု ကိုမင်းလွင်က ဆက်လက်ပြောသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ