မြန်မာ့မတ်ပဲစျေးနှုန်းအနည်းငယ် ပြန်တက်လာ

မြန်မာ့မတ်ပဲစျေးနှုန်းမှာ အရင်တစ်ပတ်ထက် အနည်းငယ်စျေးနှုန်းပြန်တက်လာကြောင်း မြန်မာနိုင်ငံပဲ မျိုးစုံနှင့်နှမ်းကုန်သည်များအသင်းမှသိရပါတယ်။

အရင်တစ်ပတ်က မတ်ပဲစျေးနှုန်းမှာ ကျပ် (၉)သိန်းအောက်ကို ကျဆင်းနေခဲ့ပြီး အခုတစ်ပတ်အတွင်း မှာ မတ်ပဲစျေးနှုန်း တစ်တန်ကို တစ်သောင်းခွဲဝန်းကျင်ပြန်တက်လာကြောင်း မြန်မာနိုင်ငံပဲမျိုးစုံနှင့် နှမ်း ကုန်သည်များအသင်းမှသိရပါတယ်။

မတ်ပဲကအရင်တစ်ပတ်က တစ်တန်ကို (၉)သိန်းအောက်လောက်ကျဆင်းသွားပြီး အခုတစ်ပတ်မှာ တော့ (၉)သိန်းကျော်ကျော်လောက် ပြန်ပြီးတက်လာတယ်။ တင်ပို့ခွင့်ကလည်း တစ်လထပ်မံရရှိထား တာဆိုတော့ ပုံမှန်သွားနေပါတယ်

မြန်မာ့မတ်ပဲကို အိန္ဒိယနိုင်ငံကို အဓိကထားတင်ပို့နေပြီး အခုလက်ရှိမှာ ပုံမှန်တင်ပို့နေတာဖြစ်ကြောင်း အဆိုပါအသင်းမှ သိရပါတယ်။

မြန်မာ့မတ်ပဲစျေးနှုန်းမှာတစ်တန်ကို အရင်တစ်ပတ်က (၉)သိန်းကျပ်အောက်ရှိနေပြီး ဒီကနေ့စျေးနှုန်း များအရ မတ်ပဲတစ်တန်ကို ၉၅၀,၀၀၀ ကျပ်နဲ့ ၉၁၀,၀၀၀ ကျပ်ဝန်းကျင် ပြန်တက်လာကြောင်း မြန်မာ နိုင်ငံပဲမျိုးစုံနှင့်နှမ်းကုန်သည်များအသင်းမှ သိရပါတယ်။

တိုးတိုးခိုင်(ABM)

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)