တစ်တန်လျှင် ကျပ် ၁၀၀၀၀၀ ခန့် ဈေးကျသွားသည့် မတ်ပဲဈေးများ အနည်းငယ်ပြန်တက်

ဗဟိုဘဏ်ရဲ့ ငွေကြေးမူဝါဒအပြောင်းအလဲကြောင့် ပြီးခဲ့တဲ့တစ်ပတ်အပိတ်ဈေးနဲ့ အခုတစ်ပတ် မနေ့က အဖွင့်ဈေးကြား တစ်တန်ကို ကျပ် ၁၀၀၀၀၀ ခန့်ထိ ဈေးကျသွားတဲ့ ရန်ကုန် ဘုရင့်နောင်ဈေးကွက်ရှိ မတ်ပဲဈေးတွေဟာ ဒီနေ့မှာတော့ ကျပ် ၃၀၀၀၀ ဝန်းကျင် ဈေးပြန်တက်လာပါတယ်။

ရန်ကုန် ဘုရင့်နောင်ဈေးကွက်မှာ မနေ့က ဧပြီ ၄ ရက်(တနင်္လာ)က အဖွင့်ဈေး ၁ တန်ကို ၁၃၈၅၀၀၀ ပေါက်ဈေးရှိခဲ့တဲ့ မတ်ပဲ (အက်ဖ်အေကျူ၊အာစီ) ဈေးဟာ ဒီနေ့မှာတော့ ကျပ် ၃၀၀၀၀ ပြန်တက်လာပြီး တစ်တန်ကို ၁၄၁၅၀၀၀ ဈေးရှိနေပါတယ်။

မနေ့က တစ်တန်ကို ၁၅၅၀၀၀၀ ပေါက်ဈေးရှိခဲ့တဲ့ မတ်ပဲ (အက်စ်ကျူအာစီ) ဈေးဟာလည်း ကျပ် ၃ သောင်းခွဲပြန်တက်လာပြီး တစ်တန်ကို ၁၅၈၅၀၀၀ ဈေး ပြန်ဖြစ်လာတယ်လို့ သိရပါတယ်။

ပဲစင်းငုံနီ (အာစီ ၊ ၂၀၂၁) ဈေးဟာလည်း ကျပ် ၂၅၀၀၀ ပြန်တက်လာပြီး ဒီနေ့ပေါက်ဈေး တစ်တန်ကို ကျပ် ၁၃၉၅၀၀၀ ရှိနေတယ်လို့ သိရပါတယ်။

ပြီးခဲ့တဲ့တစ်ပတ်အပိတ်ဈေးထက် ယခုတစ်ပတ်အဖွင့်ဈေးကြား အနည်းငယ်စီ ဈေးကျခဲ့တဲ့ပဲတီစိမ်းဈေး၊ ပဲလွန်းဖြူ၊ ပဲလွန်းနီ၊ စွန်တာနီ/ပြာ၊ ကုလားပဲ စတဲ့ ပဲဈေးတွေကတော့ ပြန်တက်မလာဘဲ မနေ့ကဈေးတွေအတိုင်းပဲ ရှိနေတယ်လို့ သိရပါတယ်။

နိုင်ငံခြားငွေဝင်တာတွေနဲ့ပတ်သက်လို့ ဗဟိုဘဏ်ရဲ့ ဧပြီ ၃ ရက် ရက်စွဲနဲ့ ထုတ်ပြန်တဲ့ ငွေကြေးဆိုင်ရာ မူဝါဒအပြောင်းအလဲရှိလာပြီးနောက် ဧပြီ ၄ ရက်ကစလို့ ကုန်စည်အချို့ ဈေးနှုန်းအပြောင်းအလဲတွေ ရှိခဲ့တာဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ