လာမယ့်နှစ်အတွင်း မြန်မာ့ငရုတ်ထွက်ရှိမှုနှုန်း ကျဆင်းနိုင်

လာမယ့်နှစ်အတွင်းမှာ မြန်မာ့ငရုတ်ထွက်ရှိမှုနှုန်းမှာ ကျဆင်းနိုင်ကြောင်း ငရုတ်သီးစျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

သဖန်းဆိပ်ဆည်မှ ရေပေးဝေမှု ရပ်ဆိုင်းလိုက်တာကြောင့် ငရုတ်ပင်စိုက်ပျိုးမှု ထိခိုက်နိုင်ပြီး ငရုတ်သီးထွက်ရှိမှုနှုန်းမှာ ကျဆင်းနိုင်တယ်လို့ ငရုတ်သီးစျေးကွက်နှင့် နည်းပညာဖွံ့ ဖြိုးတိုးတက်ရေးအသင်းမှ ဥက္ကဌ ဒေါ်ဥမ္မာကျော်ကပြောပါတယ်။

တစ်နိုင်ငံလုံးရှိ ဆည်ရေသောက်ဧရိယာ၏ ၂၀ % ကိုရေပေးဝေနေတဲ့ဆည်ကြီးက ရပ်ဆိုင်းလိုက်တဲ့အတွက် အခုရေဂါလံ(၂၉) သိန်း သုံးစွဲနေတဲ့ ငရုတ်ခင်းကြီးကို (၃)သိန်းပဲရမယ်ဆိုတော့ ငရုတ်စိုက်ပျိုးဖို့ကအဆင်မပြေဘူး။ အဲဒါကြောင့် လာမယ့်နှစ်အတွင်းမှာ ငရုတ်သီးထွက်ရှိမှုနှုန်းက ကျဆင်းနိုင်ပါတယ်

ငရုတ်သီးထွက်ရှိမှုနှုန်းကျဆင်းမှုကြောင့် ပြည်ပစျေးကွက်များကိုပါ တင်ပို့မှုကျဆင်းနိုင်တာဖြစ်ကြောင်း အဆိုပါအသင်းမှ သိရပါတယ်။

မြန်မာ့ငရုတ်ကို ဧရာဝတီတိုင်းဒေသကြီးနဲ့ ကျောက်ဆည်တို့မှာ အများဆုံးစိုက်ပျိုးတာဖြစ်ကြောင်း ငရုတ်သီးစျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

တိုးတိုးခိုင်(ABM)