ဧရာဝတီတိုင်းရှိ ပလောပီနံစျေးကွက် ဆက်တိုက်ကျဆင်းနေ

ဧရာဝတီတိုင်းဒေသကြီးရှိ ပလောပီနံစိုက်ပျိုးထုတ်လုပ် တင်ပို့ရောင်းချနေသည့် စျေးကွက်မှာ ၂၀၂၀ခုနှစ်အတွင်း ဆက်တိုက်ကျဆင်းလာကြောင်း သိရသည်။

ပလောပီနံအမှုန့် စျေးတွေကျနေပါတယ်။ ၂၀၁၉ ခုနှစ် တုန်းက တစ်ပိဿာကို ၁၂၀၀ ကျပ် စျေးနှုန်း ရရှိခဲ့တယ်။ ၂၀၂၀ ခုနှစ်မှာတော့ အမှုန့်စျေးက တစ်ပိဿာကို ၈၅၀ ကျပ်ပဲ ရတော့တယ်။ စျေးမကောင်းဘူး။

ဟု ဧရာဝတီတိုင်း၊ ကျုံပျော်မြို့၊ အင်းရဲကျေးရွာရှိ ရွှေပုစွန်ပလောစက်မှ ဦးသန်းလတ်(ခ)ကိုလတ်ကြီး က ပြောသည်။

ပလောပီနံကို ဧရာဝတီတိုင်းဒေသကြီးရှိ ကျုံပျော်၊ ကျောင်းကုန်း၊ အထောင် ဒေသများတွင် အများဆုံး စိုက်ပျိုးနေပြီး စိုက်ပျိုးသူများမှ ကလောပီနံဥကို အခြောက်ခံကာ အမှုန့်ပြုလုပ်၍ ရန်ကုန်ရှိ ပွဲရုံများသို့ တင်ပို့ရောင်းချနေခြင်း ဖြစ်သည်။

ကျွန်တော်တို့က အမှုန့်လုပ်ပြီး တင်ပို့ရောင်းချတာပါ။ စားသောက်ဖွယ်ရာနဲ့ မုန့်တွေအများစုက ပလောပီနံမှုန့်နဲ့လုပ်ကြတာ များပါတယ်။ ရွှေရင်အေးထဲမှာပါတဲ့ သာကူသီးကိုလည်း ပလောမှုန့်နဲ့ပဲ လုပ်ကြတာပါ။

ဟု ဦးသန်းလတ်က ဆက်လက်ပြောသည်။

ပလောပီနံကို မေလပိုင်းတွင် စတင်စိုက်ပျိုးပါက ဇန်နဝါရီလပိုင်း၌ စျေးကွက်တင်ပို့ ရောင်းချနိုင်ကြောင်း တောင်သူများထံမှ သိရသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ