တရုတ်ကိုတင်ပို့သည့် ဖရဲစျေးနှုန်းများ မြှင့်တက်လာ

တရုတ်ကိုတင်ပို့သည့်ဖရဲစျေးနှုန်းများမြှင့်တက်လာ

မူဆယ်မှတရုတ်နိုင်ငံကို တင်ပို့နေသည့် မြန်မာ့ဖရဲများမှာ အခုလဆန်းပိုင်းအတွင်းစျေးနှုန်းများပြန် တက်လာတာဖြစ်ကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။ ဖရဲများမှာ ဝယ်လိုအားလိုက်လာတဲ့အတွက် စျေးနှုန်းများမြင့်တက်လာတာဖြစ်တယ်လို့ မြန်မာနိုင်ငံ ဖရဲ ၊ သခွားစိုက်ပျိုး ထုတ်လုပ်တင်ပို့ရောင်းချသူများ အသင်းမှ ဥက္ကဌဦးနိုင်ဝင်းကပြောပါတယ်။

“ အရင်လတွေက သူတို့ဆီမှာကလည်း အသီးကပေါ်နေတော့ အဝယ်မလိုက်ဘူး။တရုတ်ပြည်မှာပြီးခဲ့ တဲ့ရက်က ပါးစပြုလာပြီ။ အဲဒီအတွက်အဝယ်ပြန်လိုက်လာတော့ စျေးနှုန်းလေးတွေပြန်တက်လာတာပါ။ ဒီအောက်တိုဘာလလအလယ်လောက်ကျ တဖြည်းဖြည်းနဲ့တော့စျေးကောင်းလာမှာပါ”

မြန်မာ့ဖရဲတစ်တန်ကို ယွမ်၁၅၀၀မှ ၂၃၀၀ယွမ်ထိစျေးနှုန်းရရှိလာပြီး ယွမ် ၅၀၀ မြှင့်တက်လာကြောင်း အဆိုပါအသင်းမှ သိရပါတယ်။

မြန်မာ့ဖရဲကိုတရုတ်ကို အဓိကထားတင်ပို့နေပြီး နောက်လအတွင်းမှာအခြားပြည်ပနိုင်ငံများကိုလည်း တင်ပို့သွားမှာဖြစ်ကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)