ပန်ဂျက်ပြည်နယ်အစိုးရက အာလူးမျိုးစေ့ခြေရာခံစနစ်အတွက် Cropin နှင့် ပူးပေါင်း

အိန္ဒိယနိုင်ငံ ပန်ဂျက်ပြည်နယ်အစိုးရရဲ့ လုပ်ငန်းတစ်ခုဖြစ်တဲ့ Punjab Agri Export Corporation (Pagrexco) က Cropin နဲ့ လက်တွဲလိုက်ပါတယ်။ အာလူးမျိုးစေ့ထုတ်လုပ်တဲ့ နေရာမှာ အရည်အသွေးပိုကောင်းမွန်လာဖို့နဲ့ အာလူးမျိုးစေ့ထုတ်လုပ်တဲ့ ကွင်းဆက်တစ်လျောက်မှာ လုပ်ငန်းစဉ်များကို ခြေရာခံနိုင်ဖို့အတွက် ရည်ရွယ်ပါတယ်။

စိုက်ပျိုးချိန်၊ ရိတ်သိမ်းချိန်၊ ထုပ်ပိုးချိန်နဲ့ သိုလှောင်ချိန်အဆင့်ဆင့်တို့မှာရှိတဲ့ လုပ်ဆောင်ချက်တွေကို QR-code စနစ်နဲ့ ပြန်လည်ဖော်ပြပေးခြင်းအားဖြင့် အာလူးစိုက်တောင်သူတွေက သူတို့ဝယ်တဲ့ အာလူးမျိုးစေ့နဲ့ ဆက်စပ်တဲ့ အချက်အလက်တွေအားလုံးကို မြင်နိုင်မှာပါ။ ဒီအားလူးမျိုးစေ့တွေ ဘယ်ကလာတယ်၊ ဘယ်လိုစိုက်ပျိုးထုတ်လုပ်တယ်၊ PAGREXCO ရဲ့ လက်မှတ်ရှိ/ မရှိစတာတွေကိုပါ QR-code စနစ်ကနေ စစ်ဆေးနိုင်မှာပါ။

စိုက်ပျိုးထုတ်လုပ်တဲ့ ကွင်းဆက်တစ်လျောက်လုံးမှာရှိတဲ့ လုပ်ဆောင်ချက် စိုက်ပျိုးမှတ်တမ်းတွေကို စနစ်တကျမှတ်တမ်းတင်ပြီး ဆောင်ရွက်သွားမှာဖြစ်တာကြောင့် နောက်နှစ်ကစပြီး ပန်ဂျက်ပြည်နယ်ကထုတ်လုပ်တဲ့ အရည်သွေးမြင့် အာလူးမျိုးစေ့တွေကို အခြားမျိုးစေ့တွေက ကွဲပြားခြားနားစွာ မြင်ရတော့မှာပါ။

Source - Cropin