ဝါသီးနှံပိုးမွှားရောဂါတွေကို စိုက်ပျိုးနည်းစနစ်နဲ့ ကာကွယ်မယ်

- ပိုးမွှားရောဂါဒဏ်ခံနိုင်သော ဝါမျိုးများကို စိုက်ပျိုးခြင်း။

- အက်ဆစ်ဖြင့် အမွှေးချွတ်ထားသော မျိုးဝါစေ့များကို ဆေးစီရင်အသုံးပြုခြင်း။

- သီးနှံများကို အလှည့်ကျ ပြောင်းလဲစိုက်ပျိုးခြင်း။

- ဝါသီးနှံ လမိုင်းထားခြင်းကို ရှောင်ရှားခြင်း။

- ရေသွင်းစိုက်သောဒေသများတွင် ဆည်ရေ (သွင်းရေ) ကို စောစီးစွာ ဖြတ်တောက်ပေးခြင်းဖြင့် ပန်းရောင်သီးလုံးဖောက်ပိုး ယင်ဖြူ စသည့်ဖျက်ပိုးများ ကျရောက်မှုသက်သာပြီး မြေအတွင်း၌ ဆောင်းခိုလေ့ရှိသော ဖျက်ပိုးဦးရေကိုလည်း လျော့နည်းစေခြင်း။

- ဝါ ဖျက်ပိုးမျာကို ပိုမိုဆွဲဆောင်နိုင်စွမ်းရှိသော သီးနှံပင်များကို သီးနှံပုံစံများအတွင်း ထောင်ချောက်သီးနှံအဖြစ် စိုက်ပျိုးခြင်း။

- သီးလှည့် စိုက်ပျိုးခြင်း၊ သီးညှပ်စိုက်ပျိုးခြင်းတို့ကို ဒေသ ရာသီဥတု၊ သီးနှံအမျိုးအစား၊ ဖျက်ပိုးအမျိုးအစားတို့အပေါ် မူတည်၍ ဒေသနှင့်ကိုက်ညီမည့် စနစ်ကို ကျင့်သုံးဆောင်ရွက်ခြင်း။

- စိုက်တန်း၊ စိုက်ကျင်း အကွာအဝေး မှန်ကန်ခြင်း။

- မြေသြဇာ မျှတစွာ သုံးစွဲခြင်း။

- ပေါင်းကင်းရှင်းအောင် ဆောင်ရွက်ခြင်း။

- လောက်ကောင်များကို လက်ဖြင့် ကောက်ယူဖျက်စီးခြင်း။

- မီးရောင်ထောင်ချောက် အသုံးပြုခြင်း။

- ပင်ကြွင်းပင်ကျန်များကို မီးရှို့ဖျက်ဆီးခြင်း။

- ပြက္ခဒိန်နှစ် တစ်နှစ်အတွင်း မည်သည့်သီးနှံမှ စိုက်ပျိုးခြင်းမရှိသည့် သီးနှံမဲ့ကာလတစ်ခု (ဝါကောက်သိမ်းပြီးနောက် အနည်းဆုံး ၂ လခန့်) သတ်မှတ်ဆောင်ရွက်ခြင်း။

စိုက်ပျိုးရေးဦးစီးဌာန