သစ်တောပြုန်းတီးမှု လျော့ချစေရေးအတွက် နယ်ပယ်အသီးသီးမှ ညီညီညွတ်ညွတ်လုပ်ဆောင်သင့်

သစ်တောသစ်ပင်များ ပြုန်းတီးမှုလျော့ချစေရေးအတွက် ဆောင်ရွက်ရာတွင် နယ်ပယ်အသီးသီးမှ အသိပညာရှင် အတတ်ပညာရှင်များ၊ ဌာနဆိုင်ရာများ၊ အသင်းအဖွဲ့များ ညီညီညွတ်ညွတ် လုပ်ဆောင်သင့်ကြောင်း ကြီးမြန်သစ်မာပင်များဖွံ့ဖြိုးတိုးတက်ရေးအသင်း ( FastGro) မှ တာဝန်ရှိသူတစ်ဦးက ပြောသည်။

သစ်တောတွေ ပြုန်းတီးနေတာ အမှန်တရားမို့ ငြင်းမရပါဘူး။ စိုက်ပျိုးသူတွေက သူ့အရှိန်နဲ့သူ စိုက်ပျိုးနေတဲ့အခါမှာ သက်ဆိုင်ရာပညာရှင်တွေနဲ့ သက်ဆိုင်ရာအဖွဲ့အစည်းတွေ၊ တာဝန်ရှိသူတွေကနေ လိုအပ်တဲ့အပိုင်းက ထိန်းကျောင်းပေးနိုင်ရင် ကောင်းမယ်။ ပညာရှင်တွေကလည်း ပညာရှင်အလျောက် စာသံပေသံနဲ့ သီအိုရီနဲ့ ကိုင်ပေါက်တယ်။ ဌာနဆိုင်ရာကျတော့လည်း အလုပ်လုပ်တာ ထိရောက်မှုအားနည်းတယ်။ အဲ့ဒီလိုဆိုတော့ တောင်ကတုံးတွေဖြစ်တယ်။ ဒီလို တောင်ကတုံးတွေမဖြစ်အောင် ကိုယ့်စရိတ်ကိုယ်ထည့်ပြီး တတ်နိုင်သရွေ့ကြိုးစားစိုက်ပျိုးနေတဲ့ တောင်သူတွေကိုကျတော့ ဝေဖန်တယ်။ မလုပ်တော့လည်း တောင်ကတုံးက တောင်ကတုံးပဲ။ လုပ်နေတဲ့လူတွေကို ဘေးကနေ ဝေဖန်နေမယ့်အစား ကူညီနိုင်တဲ့အပိုင်းကနေ ကူညီပေးစေချင်တယ်။ ဌာနဆိုင်ရာတွေကလည်း လိုအပ်တဲ့အပိုင်းက ထိန်းကွပ်ပေးစေချင်တယ်။

ဟု ကြီးမြန်သစ်မာပင်များဖွံ့ဖြိုးတိုးတက်ရေးအသင်း-FastGro မှ အတွင်းရးမှူး ဦးနေလွင်က ပြောသည်။

သစ်တောသစ်ပင်များ စိုက်ပျိုးထုတ်လုပ်နေကြရာတွင် ဝါသနာအရစိုက်ပျိုးသူများ၊ သစ်ပင်သစ်ရိပ်ကို ချစ်မြတ်နိုးသဖြင့် စိုက်ပျိုးကြသူများ၊ သဘာဝပတ်ဝန်းကျင်ထိန်းသိမ်းစောင့်ရှောက်လိုသည့် ရည်ရွယ်ချက်ဖြင့် စုပေါင်းသစ်ပင်စိုက်ပျိုးသူများ၊ စီးပွားဖြစ် ဈေးကွက်ဝင်သစ်များထုတ်လုပ်၍ နိုင်ငံတော်အတွက် ပြည်ပဝင်ငွေရရှိစေရန် စိုက်ပျိုးနေသူများ စသည့်ဖြင့် ကဏ္ဍအမျိုးမျိုး၊ ဦးတည်ချက်အမျိုးမျိုးဖြင့် စိုက်ပျိုးနေသူများကို ဝန်းရံအားပေးစေလိုကြောင်း ၎င်းက ပြောသည်။

စိုက်သူတိုင်းဟာ ငါသိငါတတ်အကုန်မဟုတ်ကြပါဘူး။ ကိုယ်ပိုင်ငွေကို တခြားမသုံးစွဲပစ်ဘဲ သစ်ပင်သစ်တောစိုက်ပေးတာကို တင်တတ်ရင် ကျေးဇူးတောင်ကြံဖန်တင်လို့ရပါတယ်။ စီးပွားဖြစ်သစ်တောမို့လို့ အချိန်တန်ခုတ်မှာမို့လို့တို့ ပြောရင်းဟောရင်း ပြောင်သထက်ပြောင်နေတာကို ထိုင်ကြည့်နေရတာထက်စာရင်တော့ စိုက်ခင်းထူထောင်သူတွေကြောင့် ကျေးငှက်သာဂရနားနေစရာ သစ်ရိပ်သစ်တောဖြစ်ထွန်းလာမှာကသာ လက်တွေ့အမှန်တရားပါ။ သီအိုရီတွေ လော့ဂျစ်တွေ ကျွမ်းကျင်သူများအနေနဲ့ကလည်း စိုက်သူပျိုးသူကို စိတ်ပျက်လက်ပျက်ဖြစ်အောင် တဖက်ဆန်ဆန် ပြောဆိုတာထက် သက်ဆိုင်ရာဌာနများနဲ့ ပူပေါင်းပြောင်းလဲဖို့လည်း အားစိုက်သင့်တယ်။ နှမ်းတစေ့နဲ့ ဆီမဖြစ်ပေမယ့် နှမ်းစေ့တွေများ စုမိရင်တော့ ဆီဖြစ်လာနိုင်ပါတယ်။

ဟု ဦးနေလွင်က ဆက်လက်ပြောသည်။

၂၀၁၉-၂၀၂၀ ခုနှစ်များအတွင်း မြန်မာတစ်နိုင်ငံလုံးအတိုင်းအတာဖြင့် မန်ဂျန်ရှား၊ အကေးရှားမျိုးနှင့် ကြီးမြန်ပင် သစ်တောသစ်ပင်စိုက်ပျိုးမှုများ တွင်ကျယ်နေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ