ပြောင်းဖူးမှ ရရှိနိုင်တဲ့ ကျန်းမာရေးအတွက် အကျိုးဖြစ်စေတဲ့ အချက် (၇)ချက်

ပြောင်းဖူးဟာ သာမန်စိုက်ပျိုးထုတ်ကုန်တစ်ခုပဲဖြစ်ပါတယ်။ ပြောင်းဖူးကို နည်းအမျိုးမျိုးနဲ့ ပြင်ဆင်ချက်ပြုတ်နိုင်ပြီး ထူးခြားတဲ့ အဓိက အစားအစာတစ်မျိုးအဖြစ်လည်း စားသုံးနိုင်ပါတယ်။ ရေနဲ့ပြုတ်ပြီးတော့ပဲဖြစ်ဖြစ်၊ အမုန့်အဖြစ်ကြိတ်ပြီး ယာဂုအနေနဲ့ပဲ ဖြစ်ဖြစ် ပြင်ဆင်ချက်ပြုတ် စားသုံးနိုင်ပါတယ်။ ပြောင်းဖူးမှာ ကျန်းမာရေးအတွက် အကျိုးဖြစ်စေတဲ့ အဓိကအချက် (၇) ချက်ပါရှိပါတယ်။ အဲ့ဒါတွေကတော့

(၁) ပြောင်းဖူးမှာ အမျှင်ဓာတ်မြင့်မားပြီး အဆီဓာတ်လျော့နည်းစွာ ပါဝင်တာကြောင့် ဝမ်းချုပ်ခြင်းမှ ကာကွယ်ပေးပြီး အစာကြေမှု ပိုမိုကောင်းမွန်စေပါတယ်။

(၂) ကယ်လိုရီဓာတ်အပါအဝင် ကာဗွန်ဟိုက်ဒရိတ် များပြားစွာပါဝင်တဲ့အတွက် ပေါင်အလေးချိန် ထပ်တိုးလိုသူတွေအတွက် ပုံမှန်စားပေးရမယ့် ကောင်းမွန်တဲ့ အစားအစာတစ်ခုဖြစ်ပါတယ်။

(၃) ပြောင်းဖူးဟာ ဆီးချို၊ သွေးချိုရောဂါကို လျော့နည်းသက်သာစေတယ်။ ကာဗွန်ဟိုက်ဒရိတ်နဲ့ အသားဓာတ်ပါဝင်မှုလည်းမြင့်မားပြီး စိတ်ဖိစီးမှုကို တားဆီးကာကွယ်ဖို့ အကူအညီဖြစ်စေတယ်။

(၄) အနီရောင်အစေ့နဲ့ပြောင်းဖူးတွေဆိုရင် အမြင်အာရုံ မညီမမျှဖြစ်မှုကို ကာကွယ်ပေးတဲ့ အာနိသင် ပါဝင်တယ်။

(၅) ပြောင်းဖူးဟာ ကိုယ်ဝန်ဆောင်အမျိုးသမီးများအတွက် အကျိုးဖြစ်ထွန်းစေပြီး ကျန်းမာရေးဆိုင်ရာ အထူးကျွမ်းကျင်ပညာရှင်တွေကတောင် ပြောင်းဖူးကို နေ့စဉ်စားသုံးတဲ့အစားအစာထဲမှာ ထည့်သွင်းပေးဖို့ ကိုယ်ဝန်ဆောင်မိခင်တွေကို အကြံပြုထားပါတယ်။

(၆) ပြောင်းဖူးဟာ ကိုလက်စထရောပမာဏကို လျော့နည်းစေပြီး အထူးသဖြင့် နှလုံးကျန်းမာရေးအတွက် အကျိုးပြုပါတယ်။ နှလုံးသွေးကြောရောဂါမဖြစ်အောင်လည်း သူတို့က ကာကွယ်ပေးပါတယ်။

(၇) ပြောင်းဖူးမှရရှိတဲ့ ကစီဓာတ်ကို အလှကုန်ပစ္စည်းတော်တော်များများမှာ ထည့်သွင်းပြီးအသုံးပြုထားပါတယ်။ ပြောင်းဖူးကို အရေပြားပွန်းပဲ့ရာတွေ၊ ဝက်ခြံနဲ့ အရေပြားကျိန်းစပ်ခြင်းတွေ ပျောက်ကင်းသက်သာစေဖို့ အသုံးပြုနိုင်တယ်လို့ ကျွမ်းကျင်ပညာရှင်အချို့က ပြောဆိုထားပါသေးတယ်။

Source: vibenigeria

REF: Trend Myanmar

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ