ဘိုကိတ်ပဲဈေးကွက် ပုံမှန်မပြတ်ကောင်းမွန်နေပြီး ကုန်သည်ပွဲစားများမှ ကွင်းဆင်းဝယ်ယူနေ

ဘိုကိတ်ပဲဈေးကွက် ကောင်းမွန်နေပြီး ကုန်သည်ပွဲစားများမှ နှစ်စဥ်ကွင်းဆင်းဝယ်ယူနေကြောင်း စစ်ကိုင်းတိုင်းဒေသကြီးရှိ ကိုယ်တိုင်စိုက်ပျိုးသူများထံမှ သိရသည်။

"ဘိုကိတ်ပဲဈေးကွက်က ကောင်းတယ်။ တခြားသီးနှံတွေနဲ့စာရင် နှစ်တိုင်း ပုံမှန်ဈေးကွက်လည်းရှိတယ်။ ရွာအရောက်ပွဲစားတွေကလည်း လာဝယ်ကြတယ်။ ရွှေဘိုကိုလည်း တင်ပို့လို့ရတယ်။ မန္တလေးကိုလည်း ပို့လို့ရတယ်။ တရုတ်ပြည်ကို တင်ပို့ဖို့အတွက် ရန်ကုန်မြို့က ကုန်သည်တွေကလည်း ဆင်းဝယ်ကြတယ်။"

ဟု စစ်ကိုင်းတိုင်း၊ ဝက်လက်မြို့နယ်၊ တည်တောရွာမှ ဘိုကိတ်ပဲပင် စီးပွားဖြစ်စိုက်ပျိုးသူ ကိုလွှမ်းမိုးအောင်က ပြောသည်။

ပြည်တွင်းမှထွက်ရှိသည့် ဘိုကိတ်ပဲများကို ပြည်တွင်းဈေးကွက်အပြင် အိမ်နီးချင်းနိုင်ငံတစ်ချို့သို့လည်း Export တင်ပို့ရောင်းချကြသည်။

"အခုကာလမှာကို တစ်တင်းကို ကျပ် ၅ သောင်းကျော် ဈေးရှိတယ်။ ပဲတစ်တင်းကို ၁၉ ပိဿာနဲ့ ၂၅ကျပ်သားနှုန်း ယူတယ်။ အဲ့ဒါက မနှစ်ကဈေးထက်စာရင် နည်းသွားတာ။ မနှစ်က ကျပ် ၆ သောင်းအထိ ဈေးရှိတယ်။ သူ့ဈေးက တစ်တင်းကို ကျပ် ၄၅၀၀၀ အောက်ထိတော့ မဆင်းဖူးဘူး။"

ဟု ၎င်းက ဆက်လက်ပြောသည်။

ဘိုကိတ်ပဲပင်ကို ဇူလိုင်လတွင် စိုက်ပျိုးလေ့ရှိပြီး စိုက်သက်တမ်း ၄ လအကြာ အပင်ပေါ်၌ ပဲတောင့်/ပဲသီးများခြောက်လာချိန်၌ လူအင်အားဖြင့် ခူးဆွတ်/ကောက်ယူကာ ရိတ်သိမ်းခြွေလှေ့စက်ဖြင့် ခြွေကာ ဘိုကိတ်ပဲစေ့များကို ဈေးကွက်တင်ပို့ ရောင်းချကြခြင်းဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ