နနွင်း စိုက်ပျိုးနည်း

နနွင်း သည် စိုက်ပျိုးရ အလွယ်ကူဆုံး သီးနှံ ဖြစ်သည်၊။ အာလူး၊ ဂျင်း ကဲ့သို့ပင် ဥ၊ အတက် ကို ဖဲ့စိုက် ရသော သီးနှံဖြစ်သည်။ ထိန်းသိမ်းရ လွယ်ကူပြီး စရိတ်စက အနည်းဆုံးသီးနှံဖြစ်သည်။ နနွင်း သည် စိုက်ပျိုးရ အလွယ်ကူဆုံး သီးနှံ ဖြစ်သည်၊။ အာလူး၊ ဂျင်း ကဲ့သို့ပင် ဥ၊ အတက် ကို ဖဲ့စိုက် ရသော သီးနှံဖြစ်သည်။ ထိန်းသိမ်းရ လွယ်ကူပြီး စရိတ်စက အနည်းဆုံးသီးနှံဖြစ်သည်။ မျိုးစေ့မှ စိုက်ပျိုးခြင်း မဟုတ်ဘဲ ဥ၊ အတက်၊ အပင်အစိတ်အပိုင်းမှ မျိုးပွားခြင်းဖြစ်သည်။ ၆ လ မှ ၈ လ ထိ ကြာမြင့်ပြီး အပင်အမြင့် ၃ ပေ နှင့် အထက်ထိ ကြီးမြင့်နိုင်သည်။ ၈ လကြာလျှင် နနွင်းဥများ ကောင်းစွာ ရင့်မှည့်စေပါသည်။ ပူနွေးပြီး စိုစွတ်သော ဒေသ ကို ကြိုက်နှစ်သက်သည်။

နေရောင်ကောင်းစွာရရှိခြင်းကို ကြိုက်သော်လည်း အရိပ် ရရှိလျှင် ပိုမိုကောင်မွန်ပါသည်။ ပျမ်းမျှ အပူချိန် ၂၀ မှ ၃၀ ဒီဂရီ စင်တီဂရိတ်တွင်း ရမှသာလျှင် စိုက်ပျိုးရန် သင့်တော်သည်။ နှုန်းမြေ၊ မွနေသောမြေကို ကြိုက်နှစ်သက်သည်။ မြေဆီကောင်းမွန်သောမြေကို ရေသွင်းရေထုတ်နှင့် လေဝင်လေထွက်ကောင်းသော ပုံးများ အိတ်များတွင် ထည့်သွင်း ၍လည်းကောင်း စိုက်ပျိုးနိုင်သလို မြေပေါ်သို့ တိုက်ရိုက်ချစိုက်၍လည်းကောင်း စိုက်ပျိုးနိုင်သည်။

အအေးပိုင်းတွင် စိုက်ပျိုးပါက မြေဘောင်တင်ခြင်းနှင့် မြေဆီသြဇာကျွေးခြင်းကို ပုံမှန်ပြုလုပ်ရမယ်ဖြစ်သည်။ သဘာဝရွက်ဖျန်းမြေသြဇာများကိုလည်းသုံးနိုင်သည်။ အပင်အစိတ်အပိုင်းဥ မှစတင်စိုက်ပျိုးရသောသီးနှံဖြစ်၍ မိခင်ပင်မတွင် ရောဂါကင်းရှင်းပြီး အထွက်ကောင်းသောအပင်မှ နနွင်းပင်မှအတက်ကိုသာယူ၍ စိုက်ပျိုးသင့်သည်။

နနွင်းအတက်မှာ ကျန်းမာသန်းစွမ်းသည့် လက္ခဏာဖြစ်သည့် အတက်ဘေးမျက်စိများစွာပါပြီး တင်းတင်းရင်းရင်း ရှိသော အတက်ကိုယူပါ။ မျက်စိနှစ်ခုမှ သုံးခုထိပါအောင် အတက်ကိုဖြတ်ပါ။ စိုက်ပျိုးလိုသောမြေနေရာတွင် မျက်စိကို မျက်မှာပြင်ပေါ်တွင်ဖော်၍ စိုက်ပါ။ နေအလွန်ပူသောနေရာတွင်မစိုက်ပါနှင့်။ လေးပတ်သား( တစ်လကြာ)လျှင် အညွှန့်လေးများထွက်လာပါမည်။ အတက်ကိုမြေထဲတွင်သာ ဖုံးအုပ်ထားပါ။ ရွက်ဖျန်းမြေသြဇာဖျန်းလိုကဖျန်းနိုင်ပါသည်။ သို့တစေ တစ်ဧကလျှင် နွားချေးကောင်းစွာဆွေးမြည့်ထားသည်ကို ဆယ့်ငါးတန်(နွားလှည်း ဆယ်စီးခန့်)ထိ ထည့်သုံးခြင်းသည် အခြားဓာတုမြေဆီများ ထည့်သွင်းစရာမလိုလောက်အောင် လုံလောက်ပြီးဖြစ်သည်။

အပင်တွင်ရောဂါ၊ ပိုး ကျရောက်ခြင်းမရှိသလောက်နည်း၍ ကုန်ကျစရိတ်အလွန်နည်းပါးသော သီးနှံပင်ဖြစ်သည်။ အညွှန့်ထွက်ပြီး လေးလာကြာလျှင် ဥများဥပြီဖြစ်ပြီး အရွက်များဝါ၍ခြောက်လာပါက ရိတ်သိမ်းနိုင်ပြီ ဖြစ်သည်။ တစ်ပင်လုံးကိုတူးထုတ်စရာမလိုပါ။အတက်များကိုဖဲ့၍ တူးနိုင်ပြီး မိခင်ပင်မကြီးကို နောက်တစ်သီး နောက်တစ်နှစ်စိုက်ရန် မျိုးထား၍လည်းရသည်။

နနွင်းတက်များသည် ခြောက်လမှ တစ်နှစ်ထိ လေလုံသော အိတ်ထဲတွင် သိုလှောင်သိမ်ဆည်းထားနိုင်သည်။ အအေးခန်းထဲတွင် သိုလှောင်သိမ်းဆည်းပါက ထို့ထက်ကြာအောင် သိုလှောင်နိုင်သည်။ တစ်ဧကလျှင် တန်ချိန် နှစ်ဆယ်ထိ ထွက်နိုင်သည်။ မျိုးနှုန်းမှာ အတက်အကြီးအသေးပေါ်မူတည်၍ အသေချာတွက်ချက်၍ မရပါ။

ရွှေရည်လင်း

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ