ဝဥစတင်စိုက်ပျိုးသူများ မျိုးဥထက် ရွက်သီးဖြင့် စတင်စိုက်ပျိုးမှုများပြားနေ

၂၀၂၀ ခုနှစ်အတွင်း ဝဥစတင်စိုက်ပျိုးသူများအနေဖြင့် စီးပွားဖြစ် ဝဥပင်စိုက်ပျိုးရာတွင် မျိုးဥဖြင့်စိုက်ပျိုးခြင်းထက် ရွက်သီးဖြင့် စတင်စိုက်ပျိုးမှုများပြားနေကြောင်း သိရသည်။

အခုစိုက်ပျိုးသူတွေက ဝဥရွက်သီးကိုသာ ရွေးချယ်ပြီး ဝယ်လာပါတယ်ခင်ဗျာ။ ရွက်သီးက အပင်ပေါက်ဖို့ ပိုပြီးတော့သေချာပါတယ်။ ထိန်းသိမ်းသိုလှောင်ရတာမှာ နေရာလည်း အများကြီး မယူပါဘူး။ ပုပ်တာလည်း နည်းပါတယ်။ အပင်အရေအတွက်လည်း များများရပါတယ်။ ရွက်သီးကိုစစိုက်တော့ ကိုယ်စိုက်ပျိုးတဲ့အပင်သက်တမ်းကိုလည်း တွက်လို့ရပါတယ်။ ဒါ့ကြောင့် ရွက်သီးကိုအသုံးပြုပြီးတော့ စိုက်ပျိုးလာကြတာပါ။

ဟု ရခိုင်ပြည်နယ်နှင့် ပဲခူးတိုင်းတို့တွင် ဝဥစီးပွားဖြစ် စိုက်ပျိုးနေသူ ဦးစောလှမင်းက ပြောသည်။

ဝဥပင်ကို မြန်မာနိုင်ငံအထက်ပိုင်းဒေသများ၌ မေလနောက်ဆုံးအပတ်မှ ဒီဇင်ဘာလလဆန်းအတွင်း စိုက်ပျိုးလေ့ရှိကြပြီး မြန်မာနိုင်ငံအောက်ပိုင်းဒေသများ၌ မေလနောက်ဆုံးအပတ်မှ နိုဝင်ဘာလ လဆန်းအတွင်း စိုက်ပျိုးလေ့ရှိကြသည်။

စိုက်ပျိုးတဲ့လက မေလမှာ စတင်ပါတယ်။ အဲ့ဒိအချိန်မှာ မြေချစိုက်ပျိုးတာပါ။ ဖေဖော်ဝါရီလ၊ မတ်လတွေမှာ ရေလောင်းစိုက်ကြပေမယ့် စိုက်ပျိုးမှုနည်းပါသေးတယ်။ အပင်ရှင်သန်ရာမှာ အအေးပိုင်းက ပိုပြီး အပင်ရှင်သန်တဲ့အချိန် ပိုကြာပါတယ်။ ရခိုင်ပြည်နယ်နဲ့ ပဲခူးတိုင်းတွေမှာက ဒေသဝဥတွေကတော့ အောက်တိုဘာလကုန်ရင် အပင်ကျပါတယ်။ တချို့လည်း အပင်ကျပြီး ၁၅ ရက်လောက်မှ တူးကြပါတယ်။ အပင်ကျရက်၊ ဝဥတူးဖော်တဲ့ရက်တွေကတော့ ကွာခြားမှုတွေတော့ ရှိနိုင်ပါတယ်ခင်ဗျာ။

ဟု ၎င်းက ဆိုသည်။

လက်ရှိဈေးကွက်အတွင်း ဝဥရွက်သီး ဆိုဒ်သေးတစ်ပိသာလျှင် ၈,၅၀၀ ကျပ်၊ အလတ်ဆိုဒ် တစ်ပိသာလျှင် ၉,၅၀၀ ကျပ်၊ ဂွဆုံသီးအသန့် တစ်ပိဿာလျှင် ၁၀,၀၀၀ ကျပ်အထက် ဈေးနှုန်းများ ရှိနေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ