ဆိုက်ခေါင်ဒေသရှိ ပြောင်းပင်များ ငမြှောင်တောင်ပိုးကျဖျက်ဆီး

ခမ်းသားငေါဝ်း - ဇွန်လ ၄၊ ၂၀၁၉

ပအိုဝ်းကိုယ်ပိုင်အုပ်ချုပ်ခွင့်ရဒေသ ပါလောပါကယ်ကျေးရွာအုပ်စု ဆိုက်ခေါင်ရွာတွင် ပြောင်းပင်များ ငမြောင်တောင်ပိုးဖျက်ဆီးပြီး အပင်မသန်တော့ဘဲ နွားစာအဖြစ်ရောင်းနေရကြောင်း ဇွန်လ ၄ ရက်နေ့က သိရသည်။

စိုက်ပြီးသော ပြောင်းပင်များ တစ်ခင်းလုံး ငမြှောင်တောင်ပိုးဖျက်ဆီးခြင်းကြောင့် စိုက်ပျိုးစရိတ်များဆုံးရူံးခဲ့ရပြီး အသုံးစရိတ်ပြန်ရနိုင်ရန်အတွက် ပြောင်းပင်ရိပ်ပြီး ကျွဲ၊ နွားဈေးတွင် အစာအဖြစ် လာရောင်းရခြင်းဖြစ်ကြောင်း သိရသည်။

''ဒီလိုပိုးမျိုး တစ်ခါမှမကြုံဖူးဘူး။ ဘယ်ကနေဘယ်လိုလာလဲမသိဘူး။ အရင်းတွေလည်း တော်တော်ကုန်နေပြီ။ ငါးရာရရ တစ်ထောင်ရရ ဆေးဖျန်းဖိုးလေးရအောင် ရိပ်ပြီးလာရောင်းပေမဲ့ ရောင်းမကောင်းဘူး''ဟု ဆိုက်ခေါင်ဒေသအောင်သုခ ရပ်ကွက်နေ မွိုးဖြားပွဉ် ကပြောသည်။

ပြန်လည်စိုက်ပျိုးရန်အတွက် ပြောင်းမျိုးမဝယ်နိုင်သည့်အတွက် ရောင်းရန်တွက်ကျန်ရှိသော ပြောင်းကိုအမျိုးအဖြစ် ပြန်လည်စိုက်ပျိုးထားရကြောင်း ၎င်းကဆက်ပြောသည်။

ငမြှောင်တောင်ပိုးအန္တာရာယ်အား စိုးရိမ်သောကြောင့် ဆီဆိုင်မြို့နယ်ရှိ အချို့တောင်သူများသည် ယခင်နှစ်လောက် မစိုက်ပျိုးတော့ပဲ လျော့စိုက်သူများလည်းရှိကြောင်း သိရသည်။

ရှမ်းပြည်နယ်တောင်ပိုင်းတွင် နေရာအတော်များများက ၂၀၁၉ ခုနှစ် အတွင်း ငမြောင်တောင်ပိုးကျပြီး ပြောင်းခင်းများ ဖျက်ဆီးခံရကြောင်း သိရသည်။

(The People's Voice FB page မှ ကူးယူဖော်ပြပါသည်။)

ငမြှောင်တောင် ကာကွယ်နှိမ်နင်းရန်အတွက် အောက်ကစာသားလေးကိုနှိပ်ပြီး ဖတ်နိုင်ပါတယ်။

FAW ငမြှောင်တောင် ကာကွယ်နှိမ်နင်းနည်းလမ်းများ

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်