လမ်းပန်းဆက်သွယ်ရေးမကောင်းသဖြင့် ကြက်ဟင်းခါးသီးဈေးကွက်ကျဆင်း

ယခုနှစ်တွင် လမ်းပန်းဆက်သွယ်ရေးမကောင်းသဖြင့် ကြက်ဟင်းခါးသီးဈေးကွက် ကျဆင်းမှုရှိကြောင်း ပဲခူးတိုင်းဒေသကြီးအတွင်းရှိ သီးနှံစုံကိုယ်တိုင်စိုက်ပျိုးသူများက ပြောသည်။

ကျွန်တော်တို့ ပြည်ဘက်ကထွက်တဲ့ ကြက်ဟင်းခါးသီးတွေကို ပွဲစားတွေကတဆင့် ရန်ကုန်မြို့ဈေးကွက်ကို တင်ပို့ရောင်းချပါတယ်။ လက်ဦးပိုင်းတော့ ကြက်ဟင်းခါးသီးတစ်လုံးကို (၇၀) ကျပ်ကနေ (၁၀၀) ကျပ်အတွင်း ရခဲ့ပါတယ်။ အခုတော့ အဲ့ဒီလောက် ဈေးမရှိတော့ဘူး။ ရောဂါတွေနဲ့ဘာတွေနဲ့ လမ်းပန်းဆက်သွယ်ရေးက မကောင်းတာနဲ့ တစ်လုံးကို (၄၀) ကျပ်လောက်ပဲ ရတော့တယ်။ ပွဲစားတွေကို အလုံးအရေအတွက်နဲ့ပဲ ရောင်းချရတာပါ။ အခုလမှာ ဈေးပိုပြီးကျသွားတယ်။

ဟု ပဲခူးတိုင်းဒေသကြီး၊ ပြည်မြို့နယ်၊ မှုတ်ရှည်ကျေးရွာအုပ်စု၊ ရှမ်းစုကျေးရွာမှ ကြက်ဟင်းခါးသီးပင်စိုက်ပျိုးသူ ဦးကျော်အုန်းက ပြောသည်။

ကြက်ဟင်းခါးသီးပင် တစ်ဧက၏ငါးပုံတစ်ပုံခန့် စိုက်ပျိုးပါက ကြက်ဟင်းခါးသီး မျိုးထုပ် (၃)ထုပ် ကုန်ကျနိုင်ပြီး မျိုးထုပ်တစ်ထုပ်လျှင် (၄၀၀၀) ကျပ်ဝန်းကျင် ဈေးနှုန်းရှိသည်။

စိုက်ပျိုးစရိတ်က ခါးလှည့်တဲ့မြေဩဇာဖိုးလေးရယ်၊ ဘောင်တင်တာကလည်း ကိုယ့်လုပ်အားနဲ့ ကိုယ်လုပ်တာရယ်မို့ သိပ်မကုန်ကျပါဘူး။ စိုက်ပျိုးနည်းစနစ်နဲ့ မျိုးကောင်းမျိုးသန့်ရရှိဖို့တွေကလည်း အခက်အခဲမရှိပါဘူး။ ဈေးကွက်အခက်အခဲကတော့ အခုနိုင်ငံရေးအခြေအနေနဲ့ရယ်၊ ကိုဗစ်ကာလကလည်း ဖြစ်ပြန်တော့ လမ်းပန်းဆက်သွယ်ရေး အခက်အခဲတွေရယ်ကြောင့်ပါ။ အမှန်တကယ်ဆို ကြက်ဟင်းခါးသီးက နှစ်တိုင်းတော့ ဈေးကွက်ကောင်းခဲ့ပါတယ်။ ပွဲစားတွေက အသီးထွက်သလောက် အကုန်ယူကြပါတယ်။ အခုနှစ်မှာမှ ဒီလိုတွေ ကြုံတွေ့နေရတယ်။

ဟု ၎င်းက ဆက်လက်ပြောသည်။

ကြက်ဟင်းခါးသီးပင် ဒဿမ ၂၀ (တစ်ဧကရဲ့ငါးပုံတစ်ပုံ) စိုက်ပျိုးပါက စင်ဆောက်ရာတွင် ကုန်ကျသည့် ဝါးဖိုးများ၊ မြေဆီနှင့်သွင်းအားစုစရိတ်များ၊ ခြံလုပ်သားခနှင့် မျိုးဖိုးများအပါအဝင် ကျပ်(၁၅၀,၀၀၀)ခန့် ကုန်ကျနိုင်ကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ