လမ်းပန်းအခက်အခဲများကြောင့် ဂွေးသီးဈေး ကွက်ထက်ဝက်ခန့်ကျဆင်းနေ

လမ်းပန်းအခက်အခဲများ ဆက်တိုက်ဖြစ်ပေါ်နေခြင်းကြောင့် ကုန်သည်ပွဲစားများမှ ဂွေးသီးမှာယူမှု နည်းပါးလာသည့်အတွက် ဈေးကွက် ထက်ဝက်ခန့်ကျဆင်းနေကြောင်း ဂွေးသီးပင် စီးပွားဖြစ်စိုက်ပျိုးနေသည့် တောင်သူများထံမှ သိရသည်။

ဂွေးသီးဈေးကွက်က သိပ်မတွင်ကျယ်တော့ဘူး ဖြစ်နေပါတယ်။ ရောင်းဖြစ်ရုံပါပဲ။ အသီးအထွက်နှုန်းကောင်းရဲ့သားနဲ့ ဈေးကွက်ကမကောင်းဘူး။ တိုင်းရေးပြည်ရေးအခြေအနေနဲ့ လမ်းပန်းဆက်သွယ်ရေးမကောင်းတာနဲ့ ကိုဗစ်ကာလအတွင်း ဈေးကြီးတွေကလည်း ဖွင့်လိုက်ပိတ်လိုက်နဲ့ဆိုတော့ ဖောက်သည်တွေပျက်ပြီး ကုန်သည်တွေကလည်း အရင်လို မှာယူမှုမရှိတော့တာပါ။ ဒါ့ကြောင့် ဂွေးသီးစိုက်ပျိုးတဲ့တောင်သူတွေ အဆင်မပြေဖြစ်ကြတာပါ။

ဟု နေပြည်တော်၊ ပျဥ်းမနားမြို့မှ ဂွေးသီးပင် စီးပွားဖြစ်စိုက်ပျိုးထုတ်လုပ်သူ ဦးမောင်မောင်ဦးက ပြောသည်။

ဂွေးသီးပေါ်ချိန်ဖြစ်သည့် ဇူလိုင်လလယ်မှစတင်၍ ထွက်ရှိသမျှဂွေးသီးများကို သိုလှောင်ထားခြင်း၊ အပင်ပေါ်တွင် မခူးဘဲထားခြင်း စသည့် နည်းလမ်းအမျိုးမျိုးဖြင့် ဈေးကွက်ကောင်းကို စိတ်ရှည်စောင့်ဆိုင်းခဲ့ကြသော်လည်း မှန်းချက်နှင့်နှမ်းထွက်မကိုက်ကြကြောင်း တောင်သူများက ဆိုသည်။

အပင်မှာထားပြီး ဝယ်သူပေါ်လာရင် ရောင်းချတယ်။ မှည့်တဲ့ဟာလည်းမှည့်ကုန်တယ်။ မှည့်ကုန်တော့ ကြွေကျတဲ့ဟာလည်း ကြွေကျကုန်တယ်။ ခါတိုင်းကတော့ ရန်ကုန်ဈေးကွက်က ကောင်းမွန်နေတော့ အသီးထွက်သမျှ ကုန်ခဲ့တယ်လေ။ ဘာမှကို ဈေးကွက်ရှာနေစရာကိုမလိုခဲ့ဘူးလေ။ ဒီအတိုင်းကို ကုန်သည်တွေက ဆင်းပြီးလာဝယ်ကြတယ်။ အခုနှစ်ပိုင်းတွေကျတော့ ရန်ကုန်ကို တင်ပို့မှု အသီးဖြုန်းအားကလည်း ခါတိုင်းလို မဟုတ်တော့ဘူးလေ။

ဟု ဦးမောင်မောင်ဦးက ဆက်လက်ပြောသည်။

ယခင်နှစ်က ဂွေးသီး ၂ တင်းခွဲဝင် အိတ်တစ်အိတ်လျှင် ငွေကျပ် (၁၅၀၀၀) ရရှိခဲ့သော်လည်း ယခုအခါ ဂွေးသီး ၂ တင်းခွဲဝင် အိတ်တစ်အိတ်လျှင် ငွေကျပ် (၁၀၀၀၀) ဝန်းကျင်သာ ပေါက်ဈေးရှိနေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ