ဒန့်သလွန်သီးဈေးကွက် ဈေးနှုန်းများ ထက်ဝက်ကျဆင်းနေ

ဒန့်သလွန်သီး ခူးဆွတ်ရောင်းချရာတွင် ယခင်နှစ်ကထက် ဈေးနှုန်းများ ထက်ဝက်ကျဆင်းနေကြောင်း တောင်သူများက ပြောသည်။

ဈေးတွေက ထက်ဝက်လောက်ကို ကျဆင်းသွားတာပါ။ အခုအချိန်မှာ ဝင်ငွေနည်းနေတော့လည်း ဘာမှကိုမတတ်နိုင်ပါဘူး။ ဈေးကွက်ကို ထိန်းမရဘူးလေ။ အားလုံး အနှုတ်ပြနေပါတယ်။ ချွေတာစားကြရုံပါပဲ။

ဟု မွန်ပြည်နယ်၊ သထုံမြို့မှ နှစ်ရှည်ပင်စိုက်ပျိုးသည့် တောင်သူ ဦးဝင်းအောင်က ပြောသည်။

၂ဝ၁၉ ခုနှစ်က ဒန့်သလွန်သီးတစ်တောင့်လျှင် ကျပ် (၈ဝ)မှ ကျပ် (၁ဝဝ) အတွင်း ဈေးနှုန်းရရှိခဲ့သော်လည်း ယခုအခါ ဒန့်သလွန်သီးတစ်တောင့်လျှင် ကျပ် (၄ဝ) ဝန်းကျင်သာ ဈေးနှုန်းရရှိကြောင်း သိရသည်။

ကျွန်တော်က ဒန့်သလွန်ပင်ကို ကြားသီးနှံအဖြစ်စိုက်ပျိုးတဲ့ တောင်သူတစ်ယောက်ပါ။ ကြက်မောက်၊ ဒူးရင်း၊ ပိန္နဲပင်တွေအပြင် ဒန့်သလွန်ပင်ကိုလည်း အပင် ၁၅ဝ လောက်စိုက်ထားပါတယ်။ အခုဆိုရင် ဒန့်သလွန်သီးဈေးတွေက ခူးခလောက်ပဲရတော့ မခူးရောင်းတော့ဘူးလေ။

ဟု ဦးဝင်းအောင်က ဆက်လက်ပြောသည်။

နှစ်စဉ် နိုဝင်ဘာလမှ သြဂုတ်လအတွင်းကာလများတွင် ဒန့်သလွန်သီး ခူးဆွတ်ရောင်းချလေ့ရှိကြောင်း သိရသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ