ပြည်တွင်းခရီးအသွားအလာနည်းပါးလာခြင်းကြောင့် သနပ်ခါးဈေးကွက်ကျဆင်းနေ

ပြည်တွင်းခရီးအသွားအလာနည်းပါးလာခြင်းကြောင့် သနပ်ခါးဈေးကွက် မူလထက်ကျဆင်းနေကြောင်း သိရသည်။

ဈေးကွက်ကတော့ သိတဲ့အတိုင်းပဲ တစ်ကမ္ဘာလုံး အများနဲ့အတူပဲပေါ့။ သနပ်ခါး အရောင်းအဝယ်တွေ ရပ်နေတယ်။ ကုန်သွယ်စီးဆင်းမှုမရှိဘူးလေ။ အလုပ်ဖြစ်တာ တော်တော့်ကိုနည်းပါတယ်။ အခု ကိုဗစ်ကာလမှာ ကားတွေကလည်းနည်းတယ်။ အကုန်လုံးနီးပါး ရပ်ဆိုင်းထားတာ။ အဓိက သနပ်ခါးက ဘုရားတွေမှာ ရောင်းတာများတော့ ခရီးသွားတွေ ဘုရားဖူးအသွားအလာနည်းသွားတဲ့အခါမှာ ဒီဈေးကွက်က ပိတ်ထားရသလိုဖြစ်နေတယ်။ ပထမတစ်ကြိမ်ပိတ်၊ ဒုတိယတစ်ကြိမ်ပိတ်နဲ့ အသွားအလာတွေ တန့်ကုန်ကြတယ်။ ဈေးကွက်က အဲ့ဒိမှာ ပိုကျလာတယ်ပေါ့။

ဟု မြန်မာနိုင်ငံ သနပ်ခါးစိုက်ပျိုးထုတ်လုပ် တင်ပို့ရောင်းချသူများအသင်း ဥက္ကဌ ဦးကျော်မိုးက ပြောသည်။

သနပ်ခါးပင်သည် စိုက်ပျိုးပြီး (၇) နှစ်ဝန်းကျင်တွင် ဈေးကွက်စတင်တင်ပို့နိုင်ပြီး အရည်အသွေးအဆင့် ပြည့်မီသည့် သနပ်ခါးပင်အဖြစ် ရရှိရန်မူ (၁၀) နှစ်နှင့်အထက် အချိန်ယူစိုက်ပျိုးရသည်။

ဈေးကွက်အခက်အခဲကတော့ ဈေးကွက်တစ်ခုလုံးက ပွဲစားတွေလက်ထဲမှာရှိနေတာပါ။ သနပ်ခါးဈေးကွက်က လက်လီဈေးကွက်မှာ မပြတ်ပေမယ့် စိုက်ခြံသမားတွေမှာတော့ ပွဲစားတွေပေးတဲ့ဈေးပဲ ရကြတဲ့အခြေအနေပါ။ အခုနောက်ပိုင်း သနပ်ခါးကို အသုံးနည်းသွားတာကြောင့်လည်း ပါမယ်။ တခြားအလှကုန်တွေပဲ သုံးလာကြတာကြောင့်လည်း တစ်စိတ်တစ်ဒေသပါမှာပေါ့ဗျာ။

ဟု မကွေးတိုင်း၊ ပခုက္ကူခရိုင်၊ မြိုင်မြို့နယ်၊ အောင်သုခစံပြကျေးရွာမှ သနပ်ခါးစိုက်ပျိုးသူ ကိုမင်းသူရှိန်က ပြောသည်။

မြန်မာနိုင်ငံတွင် သနပ်ခါးပင်ကို အရာတော်၊ ရေစကြို၊ မြိုင်၊ ပေါက်၊ ပွင့်ဖြူ၊ ပခုက္ကူ ဒေသများ၌ အများဆုံး စိုက်ပျိုးထုတ်လုပ်နေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ