တရုတ်နိုင်ငံကို တင်ပို့နေသည့် မြန်မာ့ဖရဲကုန်တင်ကားစီးရေဝင်ရောက်မှု ထက်ဝက်ကျော်ကျဆင်း

တရုတ်နိုင်ငံကို တင်ပို့နေတဲ့ မြန်မာ့ဖရဲကုန်တင်ကားစီးရေမှာ ထက်ဝက်ကျော်ကျဆင်းလာကြောင်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တရုတ်နိုင်ငံ ဝူဟန်မြို့မှာဖြစ်ပေါ်နေတဲ့ အရေးပေါ်ရောဂါအခြေအနေကြောင့် မြန်မာနိုင်ငံမှ တင်ပို့နေတဲ့ သယ်ယူပို့ဆောင်ရေးလမ်းကြောင်း ကန့်သတ်ထားမှုများကြောင့် တရုတ်နိုင်ငံ ကိုတင်ပို့နေတဲ့ ဖရဲကုန်တင်ကားအစီးရေဝင်ရောက်မှုမှာ ထက်ဝက်ကျော်ကျဆင်းနေတာဖြစ်တယ်လို့ မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးနိုင်ဝင်းကပြောပါတယ်။

အခုလိုမျိုး အစီးရေဝင်ရောက်မှု ထက်ဝက်ကျော်ကျသွားတာ တရုတ်နိုင်ငံဝူဟန်မြို့မှာ ဖြစ်နေတဲ့ အရေးပေါ်ရောဂါအခြေအနေကြောင့် ဆက်သွယ်ရေးလမ်းကြောင်းတွေကို ကန့်သတ်ထားတာတွေရှိနေတော့ အရင်ကပုံမှန်သွားနေတာထက် ထက်ဝက်ကျော်လောက်ကျဆင်းသွားတာပါ။ တင်ပို့နေတဲ့ဂိတ်တွေအားလုံး ဖွင့်နေပါသေးတယ်။ တင်ပို့မှုကျဆင်းသွားတာ

တရုတ်နိုင်ငံကို ဖရဲကုန်တင်ကားစီးရေမှာ ပုံမှန်အစီးရေ (၆၀၀) ကျော်ဝင်ရောက်နေခဲ့ရာမှ အခုလက်ရှိအခြေအေနများကြောင့် တင်ပို့မှုမှာ အစီးရေ (၃၀၀) ဝန်းကျင်သာ ဝင်ရောက်နေတာဖြစ်ကြောင်း အဆိုပါအသင်းမှ သိရပါတယ်။

မြန်မာ့ဖရဲကို တရုတ်နိုင်ငံကို အဓိကထားတင်ပို့နေပြီး အခြားပြည်ပစျေးကွက်နိုင်ငံများကိုလည်း တင်ပို့နေတာဖြစ်ကြောင်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)