တိုင်ထောင်ပဲစိုက်ပျိုးရေးမှာ တစ်နှစ်ပတ်လည်လုံးအားဖြင့် ဈေးကွက်မပြတ် ရှိနေသော်လည်း စိုက်ပျိုးမှုများပြားသည့် မိုးရာသီသို့ ရောက်ရှိတော့မည်ဖြစ်သဖြင့် တိုင်ထောင်ပဲဈေးနှုန်းများ တစ်စစကျဆင်းလျက်ရှိကြောင်း သိရသည်။
တိုင်ထောင်ပဲကို မိရိုးဖလာစိုက်ခဲ့တာပါ။ ဈေးကွက်ကောင်းမယ့်အချိန်ကို မှန်းဆပြီး စိုက်ပျိုးပါတယ်။ တိုင်ထောင်ပဲဈေးကွက်က ပုံမှန်မပြတ်ရှိတယ်။ ကျွန်တော်တို့ပွင့်ဖြူမှာကျတော့ ပွင့်ဖြူဈေး၊ ဒါ့အပြင် မင်းဘူးမြို့၊ မကွေးမြို့တို့ကိုလည်း တင်ပို့ရောင်းချလို့ရပါတယ်။ ဈေးနှုန်းကျဆင်းချိန်ဆိုရင် တစ်ပိဿာကို (၆၀၀) (၇၀၀) ကျပ်လောက်ပဲ ဈေးရှိတော့ပါတယ်။ အခုရက်ပိုင်း မိုးလေးတစ်ပြိုက်နှစ်ပြိုက် စရွာလိုက်တော့ ဟိုလူကလည်းစိုက်မယ်၊ ဒီလူကလည်း စိုက်တော့မယ်ဖြစ်လာတာနဲ့ ဈေးတွေ ထိုးကျကုန်တော့တာပါပဲ။
ဟု မကွေးတိုင်းဒေသကြီး၊ ပွင့်ဖြူမြို့နယ်မှ တိုင်ထောင်ပဲ စီးပွားဖြစ်စိုက်ပျိုးထုတ်လုပ်သူ ကိုသိန်းထိုက်ဦးက ပြောသည်။
၂၀၂၁ ခုနှစ်၊ ဧပြီလကုန်အထိ တိုင်ထောင်ပဲတစ်ပိဿာလျှင် ကျပ် (၁၀၀၀) ကျော်သည်အထိ ဈေးကောင်းရရှိခဲ့ကြောင်း ကိုယ်တိုင်စိုက်ပျိုးသူများထံမှ သိရသည်။
တိုင်ထောင်ပဲကတော့ သူ့ရဲ့မျိုးအပေါ်မူတည်ပြီး နှစ်ပတ်လည်စိုက်ပျိုးလို့ရပါတယ်။ စိုက်ပျိုးပြီး (၄၅) ရက်ဝန်းကျင်လောက်ဆို စတင်ခူးဆွတ်လို့ရပါပြီ။ ခူးဆွတ်တဲ့သက်တမ်းကတော့ ကိုယ်ပြုစုစောင့်ရှောက်တဲ့အပေါ်နဲ့ ရာသီဥတုအပေါ် မူတည်ပါတယ်။ အပြုအစုကောင်းတယ် ဆိုရင်တော့ စခူးချိန်ကနေ နောက်ထပ် (၂)လခွဲ၊ (၃)လလောက်အထိ ဆက်ခူးသွားလို့ရပါတယ်။ နွေရာသီမှာ တစ်ကြိမ်စိုက်ပြီး၊ မိုးရာသီမှာ နောက်တစ်ကြိမ် ပြန်စိုက်လို့ရပါတယ်။ တစ်နှစ်ကို (၃)ကြိမ်လောက် စိုက်ပျိုးနိုင်တဲ့အတွက် ပုံမှန်ဝင်ငွေတော့ ရတာပေါ့။
ဟု ၎င်းက ဆက်လက်ပြောသည်။
တိုင်ထောင်ပဲစိုက်ပျိုးရာတွင် ဒဿမ ၂၅ (တစ်ဧက၏ လေးပုံတစ်ပုံ) အတွက် ကနဦးစိုက်ပျိုးစရိတ်မှာ ကျပ် (၁၅၀,၀၀၀) မှ ကျပ် (၂၀၀,၀၀၀) အတွင်း ကုန်ကျနိုင်ကြောင်း သိရသည်။
East West Seed Myanmar ကြော်ငြာ
မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ
Read more
![Shwe La Won](https://greenway.sgp1.digitaloceanspaces.com/feed_ad_images/ရွှေလဝန်း.png)
Shwe La Won
![ATRIA](https://greenway.sgp1.digitaloceanspaces.com/feed_ad_images/161047f51effa929a6417acd3e11ba41.png)
ATRIA
![ရွှေမြား](https://greenway.sgp1.digitaloceanspaces.com/feed_ad_images/7d8b9ba38207d9af5d825df166c9efcd.png)
ရွှေမြား
![တောင်ပေါ်သား](https://greenway.sgp1.digitaloceanspaces.com/feed_ad_images/7dc46514353ced72f9f0450c2f507ed0.png)
တောင်ပေါ်သား
![တောင်ပေါ်သူ](https://greenway.sgp1.digitaloceanspaces.com/feed_ad_images/f4d4a2b01ef2d0bf6ad4e184d18ac490.png)
တောင်ပေါ်သူ